"Birqatar is-sharalardy ótkizýge ruqsat berdik, biraq qatań sharttary bar. Birinshiden, sharaǵa qatysýshylardyń Ashyq-ta "jasyl" mártebesi bolýy kerek. Biz epidemiologiialyq jaǵdaidy eskere otyryp, birtindep qalypty ómirge oralýymyz kerek.
Saltanatty sharalardyń ótkizýge ruqsat berý – bul tek toi-tomalaq ótkizýge ǵana qatysty emes.
Birinshi kezekte másele shaǵyn jáne orta biznesti qoldaý tóńireginde bolyp otyr. Al ruqsat berilip tursa, jalpy Qazaqstan boiynsha barlyǵy toi ótkize alady degen sóz emes.
Koronavirýsty baqylaý mindeti alynyp tastalǵan joq. Elimizde saltanatty is-sharalardy ótkizý qatań baqylaýda bolatynyn eske salǵym keledi. Qazaqstanda KVI-diń taralýyn baqylaý men toqtatý sharalary kún tártibinen túspeidi", – dedi Eraly Toǵjanov Úkimet úiinde ótken brifingte.
Onyń aitýynsha, apta saiyn sanitarlyq-epidemiologiialyq jaǵdai zerdelenedi, sanitarlyq talaptarǵa sai kelmeitin toilardy anyqtaý sharalary jalǵasa beredi.
Al densaýlyq saqtaý ministri Aleksei Tsoi vaktsina saldyrǵan adamdardyń kóbeiip jatqanyn erekshe atap ótti. Sonyń arqasynda ujymdyq immýnitet kúsheiip keledi.
Aita ketsek, 27 qyrkúiekten bastap saltanatty, eske alý jáne otbasylyq sharalardy (banket, úilený toiy, mereitoi) ótkizýge ruqsat berildi.
"Jasyl" aimaqta turǵan óńirlerde zal 50%-ǵa deiin ǵana tolýy kerek, 100 orynnan aspaýy shart.
"Sary" aimaqta da 50%-ǵa deiin, 70 orynnan aspaýǵa tiis.
"Qyzyl" aimaqta 50%-ǵa deiin, 50 orynnan aspaýy kerek.
Sonymen qatar forýmdar, kórmeler, marafondar ótkizýge bolady.
Osy sátte:
https://dalanews.kz/kogam/68318-islamofobiiaga-qarsy-kures-muzykalyq
