Búginnen bastap elimizde jeńildetilgen avtonesie beriledi
Jeńildetilgen nesie baǵdarlamasy boiynsha qarjylandyrýdyń jalpy somasy shamamen 100 mlrd teńgeni jáne Qazaqstan óńirlerindegi avtobýs parkin jańartýǵa shamamen 30 mlrd teńgeni quraidy.
Indýstriia jáne infraqurylymdyq damý ministrliginiń málimetinshe, halyqqa avtokólikti nesielendirý kelesi sharttarmen júzege asyrylady:
- syiaqy mólsherlemesi 4%;
- nesie somasy 10 000 000 teńgeden aspaýy kerek;
- qarjylandyrý merzimi 7 jyldan aspaidy;
- bastapqy jarna 0%-dan bastap;
- kólik quny 15 000 000 teńgeden aspaidy.
Nesie berýdi Ekinshi deńgeidegi bankter júzege asyratyn bolady.
Qarjylandyrýdyń ashyqtyǵyn qamtamasyz etý maqsatynda EDB-de túpkilikti qaryz alýshyǵa qarjylandyrýdy usyný merzimderiniń saqtalýyn baqylaýdyń avtomattandyrylǵan júiesi bolýy shart.
Sondai-aq bir túpkilikti qaryz alýshyny eki jylda bir retten jii emes qarjylandyrý túrindegi shekteýler bar.
«Baǵdarlamaǵa otandyq avtokólikterdi satatyn barlyq avtosalon qatysady. Sondyqtarn JAC, Chevrolet, KIA, LADA, UAZ, MAN, Renault, Hyundai kólikterin satyp alýǵa bolady», - delingen IIDM habarlamasynda.
Lizing alýshylar úshin avtobýstardy satyp alý sharttary tómendegidei bolady:
- syiaqy mólsherlemesi 0,01%;
- lizing merzimi 7 jylǵa deiin
- bastapqy jarna 0% bastap;
Jeńildetilgen avtonesie túrindegi qoldaýdan basqa, memleket jeńildik sertifikattarynyń qoldanylý merzimi máselelerin sheshý sharalaryn pysyqtaýda. Búgingi tańda ÓKM operatorynyń fýnktsiialary «Jasyl damý» AQ-na berýine bailanysty osyǵan deiin paidalana almaǵan jeńildik sertifikattaryn paidalanýǵa múmkindik beretin tetikter zerdelenýde. Bul sertifikattardy paidalaný júrgizilip jatqan tekserý áreketterine bailanysty ýaqytsha toqtatyldy.
