"Qazgidromet" 17 jeltoqsanǵa arnalǵan aýa raiy boljamyn usynady. Sinoptikterdiń málimetinshe, el aýmaǵynyń basym bóliginde turaqsyz aýa raiy saqtalady, dep habarlaidy Dalanews.kz.
Sársenbi kúni Qazaqstannyń birqatar aimaǵynda qar jaýyp, boran bolady. Ásirese Shyǵys Qazaqstan óńirinde mol qar túsýi yqtimal.
Ońtústik jáne ońtústik-shyǵys óńirlerde jańbyr men qar aralas jaýyn-shashyn kútiledi. Kei jerlerde jaýyn-shashyn kúsheiip, joldarda kóktaiǵaq paida bolady, jel ekpini artady. Sonymen qatar el aýmaǵynda tuman túsip, kóriný qashyqtyǵy tómendeidi.
Osyǵan bailanysty Tótenshe jaǵdailar ministrligi turǵyndardy alys saparlarǵa shyqpaýǵa jáne jolda jyldamdyq rejimin qatań saqtaýǵa shaqyrady.
