"قازگيدرومەت" 17 جەلتوقسانعا ارنالعان اۋا رايى بولجامىن ۇسىنادى. سينوپتيكتەردىڭ مالىمەتىنشە، ەل اۋماعىنىڭ باسىم بولىگىندە تۇراقسىز اۋا رايى ساقتالادى، دەپ حابارلايدى Dalanews.kz.
سارسەنبى كۇنى قازاقستاننىڭ ءبىرقاتار ايماعىندا قار جاۋىپ، بوران بولادى. اسىرەسە شىعىس قازاقستان وڭىرىندە مول قار ءتۇسۋى ىقتيمال.
وڭتۇستىك جانە وڭتۇستىك-شىعىس وڭىرلەردە جاڭبىر مەن قار ارالاس جاۋىن-شاشىن كۇتىلەدى. كەي جەرلەردە جاۋىن-شاشىن كۇشەيىپ، جولداردا كوكتايعاق پايدا بولادى، جەل ەكپىنى ارتادى. سونىمەن قاتار ەل اۋماعىندا تۇمان ءتۇسىپ، كورىنۋ قاشىقتىعى تومەندەيدى.
وسىعان بايلانىستى توتەنشە جاعدايلار مينيسترلىگى تۇرعىنداردى الىس ساپارلارعا شىقپاۋعا جانە جولدا جىلدامدىق رەجيمىن قاتاڭ ساقتاۋعا شاقىرادى.
