Beisenbi kúni Táshkentte Ózbekstannyń zań shyǵarýshy palatasy men Olii Májilisi senatynyń birlesken otyrysy ótedi. Onda Islam Karimov qaitys bolǵannan keiin prezident sailaýy ótkenshe, prezident mindetin ýaqytsha atqarýshyny taǵaiyndaidy.
Ózbekstan Konstitýtsiiasynyń 96-baby boiynsha, «qazirgi prezident óziniń mindetin atqara almaǵan jaǵdaida, onyń mindetin eldiń Olii Májilisi senatynyń tóraǵasy atqarady. Úsh aidyń ishinde «Ózbekstan Respýblikasynyń Prezidentin sailaý týraly» zańǵa sáikes sailaý ótedi» delingen.
Qazirgi ýaqytta Ózbekstannyń Olii Májilisi senatynyń tóraǵasy – Nigmatilla Iýldashev.
Karimovtiń ólimi týraly resmi aqparat 2 qyrkúiekte jariialandy. Ózbekstannyń tuńǵysh prezidentin 3 qyrkúiekte Samarqanda jerledi.
Reseilik aqparat quraldary Kárimovtyń ornyn basýy múmkin eń yqtimal úmitker retinde – qazirgi úkimetbasy Shavkat Mirziiaevty (joǵaryda sýrette) atap júr.
Mirziiaev 59 -da qazir. Ol «samarqand klanynyń» ókili. Kárimovtyń aýyr syrqatqa shaldyqqanyn alǵashqy bolyp habarlaǵan da osy kisi.
[caption id="attachment_19743" align="aligncenter" width="444"]
