بەيسەنبى كۇنى تاشكەنتتە وزبەكستاننىڭ زاڭ شىعارۋشى پالاتاسى مەن وليي ءماجىلىسى سەناتىنىڭ بىرلەسكەن وتىرىسى وتەدى. وندا يسلام كاريموۆ قايتىس بولعاننان كەيىن پرەزيدەنت سايلاۋى وتكەنشە، پرەزيدەنت مىندەتىن ۋاقىتشا اتقارۋشىنى تاعايىندايدى.
وزبەكستان كونستيتۋسياسىنىڭ 96-بابى بويىنشا، «قازىرگى پرەزيدەنت ءوزىنىڭ مىندەتىن اتقارا الماعان جاعدايدا، ونىڭ مىندەتىن ەلدىڭ وليي ءماجىلىسى سەناتىنىڭ ءتوراعاسى اتقارادى. ءۇش ايدىڭ ىشىندە «وزبەكستان رەسپۋبليكاسىنىڭ پرەزيدەنتىن سايلاۋ تۋرالى» زاڭعا سايكەس سايلاۋ وتەدى» دەلىنگەن.
قازىرگى ۋاقىتتا وزبەكستاننىڭ وليي ءماجىلىسى سەناتىنىڭ ءتوراعاسى – نيگماتيللا يۋلداشيەۆ.
كاريموۆتىڭ ءولىمى تۋرالى رەسمي اقپارات 2 قىركۇيەكتە جاريالاندى. وزبەكستاننىڭ تۇڭعىش پرەزيدەنتىن 3 قىركۇيەكتە سامارقاندا جەرلەدى.
رەسەيلىك اقپارات قۇرالدارى كارىموۆتىڭ ورنىن باسۋى مۇمكىن ەڭ ىقتيمال ۇمىتكەر رەتىندە – قازىرگى ۇكىمەتباسى شاۆكات ميرزيايەۆتى (جوعارىدا سۋرەتتە) اتاپ ءجۇر.
ميرزيايەۆ 59 -دا ءقازىر. ول «سامارقاند كلانىنىڭ» وكىلى. كارىموۆتىڭ اۋىر سىرقاتقا شالدىققانىن العاشقى بولىپ حابارلاعان دا وسى كىسى.
[caption id="attachment_19743" align="aligncenter" width="444"]
ميرزيايەۆ جانە پۋتين[/caption]
