31 jeltoqsanda Qazaqstannyń kóp óńirinde aýaǵa zıandy zattar jınalýy múmkin. "Qazgıdromet" RMK Almaty qalasynda jáne túnde Atyraý qalasynda aýa sapasy nasharlaıtynyn jetkizdi, dep habarlaıdy Dalanews.kz.
Mamandardyń aıtýynsha, aýa sapasynyń nasharlaýyna "qolaısyz meteojaǵdaılar" áser etedi. Bul – jeldiń bolmaýy, óte álsiz jel, tuman jáne temperatýralyq ınversıa sıaqty tabıǵı qubylystar. Osyndaı jaǵdaıda zıandy zattar aýada uzaq saqtalyp, taralmaıdy.
Sonyń saldarynan eldi mekenderde aýa lastanyp, turǵyndardyń densaýlyǵyna keri áser etýi múmkin. Aýanyń lastaný deńgeıi jeldiń kúshi, jaýyn-shashyn, aýa temperatýrasy men ylǵaldylyqqa baılanysty bolady.
