29 shildede Qazaqstannyń barlyq oblysy men Astana qalasynda aýa raiynyń qolaisyzdyǵyna bailanysty daýyldy eskertý jariialandy. Sinoptikterdiń boljaýynsha, eldiń soltústik, ortalyq jáne shyǵys óńirlerinde jańbyr jaýyp, naizaǵai oinaidy, burshaq túsedi. Kei jerlerde nóser jańbyr jaýyp, tuman túsýi múmkin. Al ońtústik pen batysta aptap ystyq saqtalyp, aýa temperatýrasy kei óńirlerde +42 gradýsqa deiin kóteriledi. Sonymen qatar elimizdiń basym bóliginde joǵary jáne tótenshe órt qaýpi saqtalady, dep habarlaidy dalanews.kz.
Astanada kúndiz ótkinshi jańbyr jaýyp, naizaǵai oinaidy. Soltústikten soqqan jeldiń ekpini sekýndyna 15 metrge deiin jetedi.
Aqmola oblysynda jańbyr, naizaǵai jáne burshaq kútiledi. Jeldiń ekpini 15-20 m/s-qa deiin kúsheiedi. Oblystyń batysynda aýa temperatýrasy +36 gradýsqa deiin kóterilip, tótenshe órt qaýpi saqtalady.
Soltústik Qazaqstan oblysynda jańbyr, naizaǵai, burshaq bolyp, jeldiń ekpini kei jerlerde 25 m/s-qa deiin kúsheiedi. Túnde jáne tańerteń tuman túsýi yqtimal. Kúndiz aýa temperatýrasy +35 gradýsqa deiin jetedi.
Qostanai oblysynda batys jáne soltústik aýdandarda jańbyr men naizaǵai kútiledi. Kúndiz +35…+38 gradýsqa deiin ystyq bolady. Oblystyń ońtústigi men ońtústik-shyǵysynda tótenshe órt qaýpi saqtalady.
Pavlodar oblysynda ótkinshi jańbyr jaýyp, naizaǵai oinaidy. Jeldiń ekpini 15-20 m/s-qa deiin jetedi. Shyǵys bóliginde tótenshe órt qaýpi saqtalady.
Qaraǵandy oblysynda soltústik jáne shyǵys aýdandarda jańbyr men naizaǵai kútiledi. Kei jerlerde tuman túsedi. Batysynda +35 gradýsqa deiin ystyq bolady, al shyǵysy men ońtústiginde tótenshe órt qaýpi saqtalady.
Ulytaý oblysynda kúndiz +35 gradýsqa deiin qatty ystyq, batysynda +40 gradýsqa deiin aptap ystyq kútiledi. Ońtústigi men shyǵysynda tótenshe órt qaýpi saqtalady.
Shyǵys Qazaqstan oblysynda jańbyr, naizaǵai, kei jerlerde qatty jańbyr men burshaq boljanyp otyr. Jeldiń ekpini 15-20 m/s-qa deiin kúsheiedi. Óńirdiń ońtústigi men ortalyǵynda tótenshe órt qaýpi saqtalady.
Abai oblysynda jańbyr, naizaǵai jáne burshaq kútiledi. Jeldiń ekpini kúndiz 25 m/s-qa deiin jetýi múmkin. Soltústik-shyǵysynda tótenshe órt qaýpi saqtalady.
Almaty oblysynda taý bókterinde jańbyr men naizaǵai bolady. Taýly aimaqtarda jel 15-20 m/s-qa deiin kúsheiedi. Kúndiz +35 gradýsqa deiin ystyq saqtalyp, oblystyń basym bóliginde tótenshe órt qaýpi kútiledi.
Almaty qalasynda tótenshe órt qaýpi saqtalady. Qalanyń taýly bólikterinde jeldiń ekpini 15-20 m/s-qa deiin kúsheiedi.
Jetisý oblysynda taýly aýdandarda jańbyr men naizaǵai bolady. Shyǵysynda jeldiń ekpini 15-20 m/s-qa jetedi. Kúndiz +35 gradýsqa deiin ystyq bolyp, óńirdiń birneshe aýdanynda tótenshe órt qaýpi saqtalady.
Jambyl oblysynda soltústik-shyǵystan soqqan jeldiń ekpini 23 m/s-qa deiin kúsheiedi. Óńirde joǵary jáne tótenshe órt qaýpi saqtalady.
Túrkistan oblysynda batys jáne soltústik aýdandarda shańdy daýyl kútiledi. Jeldiń ekpini taý asýlarynda 23-28 m/s-qa deiin jetedi. Aýa temperatýrasy +40…+41 gradýsqa deiin kóterilip, tótenshe órt qaýpi saqtalady.
Qyzylorda oblysynda kúndiz shańdy daýyl bolyp, jeldiń ekpini 15-20 m/s-qa deiin kúsheiedi. Aýa temperatýrasy +40…+42 gradýsqa deiin kóterilip, tótenshe órt qaýpi saqtalady.
Aqtóbe oblysynda jańbyr, naizaǵai, kei jerlerde burshaq kútiledi. Jeldiń ekpini 15-20 m/s-qa deiin jetedi. Oblystyń birneshe aýdanynda joǵary jáne tótenshe órt qaýpi saqtalady.
Atyraý oblysynda batys jáne soltústik aýdandarda jańbyr men naizaǵai bolady. Jeldiń ekpini 15-18 m/s-qa deiin kúsheiedi. Atyraý qalasynda aýa temperatýrasy +40…+42 gradýsqa deiin jetip, tótenshe órt qaýpi saqtalady.
Mańǵystaý oblysynda soltústik jáne ortalyq aýdandarda shańdy daýyl kútiledi. Jeldiń ekpini 15-20 m/s-qa deiin kúsheiedi. Óńirde joǵary jáne tótenshe órt qaýpi saqtalady.
Batys Qazaqstan oblysynda ótkinshi jańbyr jaýyp, naizaǵai oinaidy, burshaq túsýi múmkin. Jeldiń ekpini 15-20 m/s-qa deiin jetedi. Kúndiz aýa temperatýrasy +35…+38 gradýsqa deiin kóterilip, óńirde joǵary jáne tótenshe órt qaýpi saqtalady.
