Almatyda 1-2 aqpanda Eýraziialyq úkimetaralyq keńestiń otyrysy ótedi. Osyǵan orai Almaty politsiia departamenti 1-2 aqpan kúnderi keibir kóshelerdegi kólik qozǵalysyna shekteý engizedi, dep habarlaidy Dalanews.kz.
Almaty qalasynda 1-2 aqpanda Qazaqstan, Armeniia, Belarýs, Qyrǵyzstan, Resei úkimet basshylarynyń jáne Eýraziialyq ekonomikalyq komissiia alqasy tóraǵasynyń qatysýymen Eýraziialyq úkimetaralyq keńestiń otyrysy ótedi. Ońtústik megapolis – jyl saiynǵy Digital Almaty forýmyn ótkizetin oryn.
Eýraziialyq úkimetaralyq keńestiń halyqaralyq formaty men "Digital Almaty 2024: Indýstriia X" forýmyna saiasi jáne qoǵam qairatkerleriniń, túrli elderdegi sarapshylyq toptardyń jetekshi ókilderi jáne IT biznes kóshbasshylary qatysady.
"Osyǵan orai, sharanyń aýqymy men kútiletin qonaqtardyń sanyn eskere otyryp, Almaty politsiia departamenti 1-2 aqpanda kólik qozǵalysyna ishinara shekteý qoiady. 1 aqpanda Ál-Farabi dańǵyly, shyǵys ainalma avtojoly, Qulja tas joly, Sain, Shaliapin, Mailin, Buqtyrma kósheleriniń aimaǵyndashekteýler bolýy múmkin. Al 2 aqpanda Ál-Farabi, Seifýllin dańǵyldary, Sain, Jarokov, Shaliapin kóshelerinde kólik qozǵalysyna ózgerister engiziledi", - deidi vedomstvo.
Alaida qoǵamdyq kólikter kestelik rejimde júre beredi, ózgeris bolmaidy.
