Britandyq Victoria Oil & Gas munai-gaz kompaniiasy Qazaqstanǵa qarsy Halyqaralyq investitsiialyq daýlardy retteý ortalyǵyna (ICSID) shaǵym túsirdi. Ortalyqtyń málimetinshe, aryz 21 naýryzda tirkelgen, dep habarlaidy Dalanews.kz.
Energy Monitor salalyq Telegram-arnasynyń habarlaýynsha, 2021 jyldyń sáýirinde kompaniia Qazaqstandy sotqa beretinin málimdep, Atyraý oblysyndaǵy Kemerkól ken ornyn barlaý jáne munai óndirý kelisimshartynyń buzylýyna bailanysty júzdegen million dollar talap etpek bolǵan.
Kanaldyń deregine súiensek, Victoria Oil & Gas 2005 jyly Kemerkol ken ornyndaǵy 100% úlesti 8,5 million dollarǵa satyp alyp, birneshe uńǵyma burǵylap úlgergen. Alaida 2008 jyly onyń jer qoinaýyn paidalaný jónindegi kelisimsharty toqtatylǵan.
