BQO-nyń Zelenov aýdanyndaǵy nashar jolmen traktor da júre almai qalypty
Novenkoe aýylynyń turǵyndarynyń aitýynsha, mundai jaǵdai bul aimaqta qalypty sanalady.
– Novenkoe aýyly Batys Qazaqstan oblysyndaǵy Zelenov aýdanynyń Jeleznov aýyldyq okrýginiń aimaǵynda, aýdan ortalyǵynan 7 shaqyrym jerde ornalasqan. Aýdan ortalyǵynan bastalatyn 7 shaqyrym joldyń tek 4 shaqyrymy ǵana asfalt tóselgen. Joldyń qalǵan bóligi mi batpaqtan turady jáne mundai jaǵdaidyń qalyptasqanyna 30 jyldan asty, – dep muńdaryn shaqty aýyl turǵyndary.
Olardyń sózderinshe, ótken jyldyń kúzinde bul joldan jol talǵamaityn kólikter azdap júre alatyn, al biyl tipti traktor da qozǵala almaityn jaǵdaiǵa jetken. Batpaqqa tyǵylǵan kólikterdiń ieleri olardy aidalada tastap eldi mekenderge jaiaý shyǵyp ketýge májbúr bolady.
– Bul árine ury-qaralar úshin taptyrmas jaǵdai. Olar túnimen kóliktiń alýǵa bolatyn bólshekteriniń barlyǵyn úptep ketedi. 7 naýryz kúni joldyń osy bóliginde birden 6 kólik turyp qaldy. Olardyń barlyǵy da traktordyń kómegimen sazdan shyqpaq bolǵan. Al, 10 naýryz kúni traktordyń ózi ekige bólinip tústi. Jaǵdaidyń bulaisha qalyptasýyna osy jerden ótip, joldy mi batpaqqa ainaldyrǵan úlken júk kólikteri sebep bolyp otyr, – deidi turǵyndar.
Derekkózi: QazAqparat
