Batys Qazaqstan oblysyndaǵy Mahambet Ótemisov atyndaǵy Batys Qazaqstan ýniversitetiniń rektory Nurlan Serǵaliev ustaldy. Bul týraly oblystyq qoǵamdyq keńestiń múshesi, zańger Baýyrjan Ahmetjan málimdedi, dep habarlaidy dalanews.kz.
Zańgerdiń aitýynsha, búgin ýniversitet rektory laýazymdyq ókilettigin asyra paidalandy degen kúdikpen ustalǵan. Qazirgi ýaqytta onyń jumys kabinetinde jáne turǵylyqty jerinde tintý júrgizilip jatyr.
«Ýniversitet qyzmetkerleriniń málimetinshe, búgin Mahambet Ótemisov atyndaǵy ýniversitettiń rektory Nurlan Serǵaliev laýazymdyq ókilettigin asyra paidalandy degen kúdikpen ustaldy. Jumys ornynda tintý júrgizilýde», – dep jazdy Baýyrjan Ahmetjan Facebook paraqshasynda.
Aldyn ala málimet boiynsha, qylmystyq isti Batys Qazaqstan oblysy boiynsha Ulttyq qaýipsizdik komiteti departamentiniń Sybailas jemqorlyqqa qarsy qyzmeti tergep jatyr.
Nurlan Serǵaliev oblystyq máslihattyń depýtaty bolyp tabylady.
Resmi túrde rastalmaǵan aqparatqa sáikes, tergeý ýniversitetke ǵylymdy damytýǵa bólingen memlekettik qarajatty jymqyrý kúdigine bailanysty júrgizilip jatyr.
Ázirge quqyq qorǵaý organdary bul aqparatqa qatysty resmi túsinikteme bergen joq.
