Batys Qazaqstan oblysy Shyńǵyrlaý aýdanynda kámeletke tolmaǵan qyzdy zorlaý deregi boiynsha qylmystyq isti toqtatý týraly sheshimniń kúshi joiyldy. Bul týraly QR ishki ister ministriniń orynbasary Sanjar Ádilov málimdedi, dep habarlaidy Dala news.
Onyń aitýynsha, jábirlenýshi taraptyń ýájderi prokýratýramen birlesip qaita qaralǵan.
«BQO boiynsha kámeletke tolmaǵan qyzǵa qatysty jasalǵan áreket jóninde ata-anasynyń ótinishi bar. Búgin prokýratýramen birlesip, isti toqtatý týraly protsessýaldyq sheshimniń kúshin joidyq. Jábirlenýshi taraptyń barlyq ýájderi qosymsha tergeý barysynda tolyq tekseriledi», – dedi Sanjar Ádilov májilis kýlýarynda.
Ministr orynbasary bul is buryn qozǵalyp, keiin jabylǵanyn rastady. Qazirgi ýaqytta jábirlenýshiniń ata-anasy keltirgen jańa dálelderge bailanysty is qaita jandanǵan.
Sonymen qatar 68 jastaǵy burynǵy ákimdik qyzmetkeri men 16 jastaǵy qyz arasyndaǵy qatynasqa bailanysty «Kámeletke tolmaǵandy zorlaý» baby boiynsha qozǵalǵan istiń jabylýyna jaýapty politsiia qyzmetkerleri jaýapkershilikke tartyla ma degen suraqqa Ádilov naqty jaýap bermedi.
«Tergeý qorytyndysy boiynsha qyzmettik tekseris júrgizý týraly sheshim qabyldaimyz. Qazir sotqa deiingi tergep-tekserýdiń nátijesin kútý qajet. Qylmystyq isti toqtatý týraly sheshimdi joiý bastamasyn biz kóterdik, ony oblys prokýratýrasy qoldady. Endi jábirlenýshi taraptyń ýájderi tolyq kólemde qaita tekseriledi», – dedi ol.
Buǵan deiin jábirlenýshi qyz ben onyń anasy shaǵymnan bas tartyp, aradaǵy qatynas ózara kelisim negizinde bolǵanyn aitqan edi.
