باتىس قازاقستان وبلىسى شىڭعىرلاۋ اۋدانىندا كەمەلەتكە تولماعان قىزدى زورلاۋ دەرەگٸ بويىنشا قىلمىستىق ٸستٸ توقتاتۋ تۋرالى شەشٸمنٸڭ كٷشٸ جويىلدى. بۇل تۋرالى قر ٸشكٸ ٸستەر مينيسترٸنٸڭ ورىنباسارى سانجار ەدٸلوۆ مەلٸمدەدٸ, دەپ حابارلايدى Dala news.
ونىڭ ايتۋىنشا, جەبٸرلەنۋشٸ تاراپتىڭ ۋەجدەرٸ پروكۋراتۋرامەن بٸرلەسٸپ قايتا قارالعان.
«بقو بويىنشا كەمەلەتكە تولماعان قىزعا قاتىستى جاسالعان ەرەكەت جٶنٸندە اتا-اناسىنىڭ ٶتٸنٸشٸ بار. بٷگٸن پروكۋراتۋرامەن بٸرلەسٸپ, ٸستٸ توقتاتۋ تۋرالى پروتسەسسۋالدىق شەشٸمنٸڭ كٷشٸن جويدىق. جەبٸرلەنۋشٸ تاراپتىڭ بارلىق ۋەجدەرٸ قوسىمشا تەرگەۋ بارىسىندا تولىق تەكسەرٸلەدٸ», – دەدٸ سانجار ەدٸلوۆ مەجٸلٸس كۋلۋارىندا.
مينيستر ورىنباسارى بۇل ٸس بۇرىن قوزعالىپ, كەيٸن جابىلعانىن راستادى. قازٸرگٸ ۋاقىتتا جەبٸرلەنۋشٸنٸڭ اتا-اناسى كەلتٸرگەن جاڭا دەلەلدەرگە بايلانىستى ٸس قايتا جاندانعان.
سونىمەن قاتار 68 جاستاعى بۇرىنعى ەكٸمدٸك قىزمەتكەرٸ مەن 16 جاستاعى قىز اراسىنداعى قاتىناسقا بايلانىستى «كەمەلەتكە تولماعاندى زورلاۋ» بابى بويىنشا قوزعالعان ٸستٸڭ جابىلۋىنا جاۋاپتى پوليتسييا قىزمەتكەرلەرٸ جاۋاپكەرشٸلٸككە تارتىلا ما دەگەن سۇراققا ەدٸلوۆ ناقتى جاۋاپ بەرمەدٸ.
«تەرگەۋ قورىتىندىسى بويىنشا قىزمەتتٸك تەكسەرٸس جٷرگٸزۋ تۋرالى شەشٸم قابىلدايمىز. قازٸر سوتقا دەيٸنگٸ تەرگەپ-تەكسەرۋدٸڭ نەتيجەسٸن كٷتۋ قاجەت. قىلمىستىق ٸستٸ توقتاتۋ تۋرالى شەشٸمدٸ جويۋ باستاماسىن بٸز كٶتەردٸك, ونى وبلىس پروكۋراتۋراسى قولدادى. ەندٸ جەبٸرلەنۋشٸ تاراپتىڭ ۋەجدەرٸ تولىق كٶلەمدە قايتا تەكسەرٸلەدٸ», – دەدٸ ول.
بۇعان دەيٸن جەبٸرلەنۋشٸ قىز بەن ونىڭ اناسى شاعىمنان باس تارتىپ, اراداعى قاتىناس ٶزارا كەلٸسٸم نەگٸزٸندە بولعانىن ايتقان ەدٸ.
