Batys Qazaqstan oblysynda nektarin tielgen júk kóligi jol apatyna ushyraǵannan keiin jergilikti turǵyndar jemisterdi alyp ketken. Kýágerlerdiń aitýynsha, jol boiyna shashylǵan nektarinderdi jinaý kezinde adamdar arasynda janjal shyqqan, dep habarlaidy dalanews.kz.
Oqiǵa Samara - Shymkent tasjolynyń Báiterek aýdany aýmaǵynda bolǵan. Astana TV málimetinshe, júk kóligi aýdarylyp, jol boiyna ondaǵan tonna nektarin shashylyp qalǵan.
Kýágerlerdiń aitýynsha, júrgizýshi birneshe kún boiy kómek kútken. Evakýatsiia kelmegen soń ol jergilikti turǵyndarǵa búlinbegen jemisterdi tegin alyp ketýge ruqsat bergen.
Osydan keiin oqiǵa ornyna ondaǵan aýyl turǵyny jinalǵan. Kýágerlerdiń málimetinshe, bir saǵatqa jetpeitin ýaqytta shamamen 20 tonna nektarin jinalǵan. Alaida jemisterdi jinaý kezinde adamdar arasynda daý týǵan.
Jergilikti turǵyndardyń sózinshe, kópshilik júrgizýshige janashyrlyq tanytqan. Sonymen qatar, olar bul ýchaskeni jol apaty jii bolatyn qaýipti aimaq dep sanap, jaýapty mekemelerdi jol qaýipsizdigin kúsheitýge shaqyrǵan.
