BQO-da qalalyq sáýlet jáne qala qurylysy bóliminiń basshysy sottaldy, dep habarlaidy Dalanews.kz.
Oral qalasynyń soty qalalyq sáýlet jáne qala qurylysy bóliminiń basshysy A. Tashenbaevqa, onyń qaramaǵyndaǵy – bas maman N. Ǵataýǵa jáne «Alihanstroiproekt» JShS direktorynyń orynbasary A. Kýpbaevqa qatysty úkim shyǵardy.
Táshenbaev az qabatty kóppáterli turǵyn úiler salý boiynsha eskizdik jobalardy keliskeni jáne saýda-sattyqsyz jer ýchaskesin zańsyz berý jolymen laýazymdyq ókilettikterin asyra paidalanǵany úshin Kýpbaevtan jalpy somasy 1,5 mln teńge para alǵany úshin kináli dep tanyldy.
Ǵataý jer ýchaskesin irikteý aktisin keliskeni úshin Kýpbaevtan 500 myń teńge somasynda para alǵany jáne memlekettik qyzmetter portalyna qurylystyń bolmaýynsyz jer ýchaskesin keńeitý týraly qujattardy zańsyz engizý jolymen laýazymdyq ókilettikterin asyra paidalanǵany úshin kináli dep tanyldy.
Táshenbaev pen Ǵataý tiisinshe 7 jáne 3,5 jylǵa, al para berýshi 7 jylǵa bas bostandyǵynan aiyryldy.
Olardyń barlyǵy ómir boiy memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan aiyrylǵan.
Sot aktisi zańdy kúshine engen joq.
