BQO-da politsei uiqydaǵy otbasyny órtten qutqardy, dep habarlaidy dalanews.kz.
1 qyrkúiekke qaraǵan túni Batys Qazaqstan oblysyna qarasty Jańaqala aýdany Qyrqopa aýylynyń ýchaskelik politsiia inspektory Nurlybai Nurmuhanov ádettegidei aýyldaǵy esepte turǵan adamdardy tekserý jáne qoǵamdyq tártipti qadaǵalaý maqsatynda túngi reidke shyqqan.
Túngi saǵat 04:30 shamasynda politsiia kapitany úilerdiń biriniń aýlasynan kókke kóterilgen qoiý tútindi baiqap qalǵan. Oilanýǵa ýaqyt joq ekenin túsingen ol birden oqiǵa ornyna qarai umtylady. Úige janamalanyp salynǵan mal qora órtenip jatqanyn jáne jalyn turǵyn úige qarai tarap jatqanyn kórgen ol úi turǵyndaryn oiatyp, bala-shaǵasymen birge qaýipsiz jerge shyǵarady.
Órtsóndirýshiler kelgenge deiin úi ielerimen birge qoradaǵy maldy shyǵaryp, jalyndy qummen aýyzdyqtap, órt úige ótýine jol bermegen.
"Nurlybai kelip oiatpaǵanda, bala-shaǵamyzben ne bolarymyzdy bilmeimin. Oǵan alǵys aitamyz", - deidi úi iesi Esqali Muratov.
