Batys Qazaqstan oblysynda júrgizilgen jedel-izdestirý sharalary nátijesinde kriminaldyq politsiia qyzmetkerleri memleketaralyq izdeýde bolǵan 28 jastaǵy aqtaýlyqty Oral qalasynda ustady, dep habarlaidy Dalanews.kz.
Tergeý derekterine sáikes, kúdikti 2025 jyldyń qańtar men sáýir ailary aralyǵynda «10 paiyzdyq tabys» ýáde etip, jábirlenýshiniń senimine kirgen. Osylaisha ol Aqtaý qalasynyń turǵynynan 58 million teńgeden astam qarjyny zańsyz iemdendi degen kúdikke ilingen.
Qazirgi ýaqytta kúdikti ýaqytsha ustaý izoliatoryna qamaldy. Onyń ustalǵany jóninde bastamashy organ – Mańǵystaý oblystyq politsiia departamentine habar berildi.
Aita keteiik, jyl basynan beri Batys Qazaqstan oblysy politsiiasy tergeý men sottan boi tasalap júrgen izdeýdegi 54 adamdy qolǵa túsirgen.
