BQO-da jarty jylda sybailas jemqorlyqqa qarsy 317 shara ótken
Brifingte atalmysh departamenttiń alǵashqy jartyldyqtaǵy jumysy jóninde tolyqqandy málimet berildi. Bolat Álmuhanulynyń aitýynsha, kúni búgin oblystaǵy 461 memlekettik organda qyzmet etetin memlekettik qyzmetshilerdiń naqty sany 4148 adam. Birinshi jartyjyldyqtyń qorytyndysy boiynsha «B» korpýsynyń 3097 memlekettik qyzmetshileriniń qyzmetin baǵalaý júrgizilgen. Qyzmetshilerdiń 105-i nemese 3,4%-y «óte jaqsy» baǵasyn, 2521-i nemese 81,4%-y «tiimdi» baǵasyn, 471-i nemese 15,2%-y «qanaǵattandyrarlyq» baǵasyn alǵan. Jyl basynan beri Ádep jónindegi Keńestiń 6 otyrysy ótkizilip, onda 47 másele qaralǵan. Tártiptik isterdi qaraý qorytyndysy boiynsha 21 laýazymdy tulǵa tártiptik jazaǵa tartylǵan.
Departament qyzmetiniń negizgi baǵyttarynyń biri – sybailas jemqorlyqqa qarsy mádeniet qalyptastyrý, sybailas jemqorlyq quqyqbuzýshylyqtarynyń sebepteri men jaǵdailarynyń azaitý bolyp tabylady.
"2017 jyldyń 1 jartyjyldyǵynda departament qoǵamda sybailas jemqorlyqqa qarsy mádeniet qalyptastyrý boiynsha 32 myń adamnyń qatysýymen 317 shara ótkizdi" dedi óz sózinde B.Isaqov.
Brifingke kelgen BAQ ókilderi ózderin qyzyqtyrǵan saýaldaryna jaýap aldy.
