بريفينگتە اتالمىش دەپارتامەنتتىڭ العاشقى جارتىلدىقتاعى جۇمىسى جونىندە تولىققاندى مالىمەت بەرىلدى. بولات ءالمۇحان ۇلىنىڭ ايتۋىنشا، كۇنى بۇگىن وبلىستاعى 461 مەملەكەتتىك ورگاندا قىزمەت ەتەتىن مەملەكەتتىك قىزمەتشىلەردىڭ ناقتى سانى 4148 ادام. ءبىرىنشى جارتىجىلدىقتىڭ قورىتىندىسى بويىنشا «ب» كورپۋسىنىڭ 3097 مەملەكەتتىك قىزمەتشىلەرىنىڭ قىزمەتىن باعالاۋ جۇرگىزىلگەن. قىزمەتشىلەردىڭ 105ء-ى نەمەسە 3،4%-ى «وتە جاقسى» باعاسىن، 2521ء-ى نەمەسە 81،4%-ى «ءتيىمدى» باعاسىن، 471ء-ى نەمەسە 15،2%-ى «قاناعاتتاندىرارلىق» باعاسىن العان. جىل باسىنان بەرى ادەپ جونىندەگى كەڭەستىڭ 6 وتىرىسى وتكىزىلىپ، وندا 47 ماسەلە قارالعان. تارتىپتىك ىستەردى قاراۋ قورىتىندىسى بويىنشا 21 لاۋازىمدى تۇلعا تارتىپتىك جازاعا تارتىلعان.
دەپارتامەنت قىزمەتىنىڭ نەگىزگى باعىتتارىنىڭ ءبىرى – سىبايلاس جەمقورلىققا قارسى مادەنيەت قالىپتاستىرۋ، سىبايلاس جەمقورلىق قۇقىقبۇزۋشىلىقتارىنىڭ سەبەپتەرى مەن جاعدايلارىنىڭ ازايتۋ بولىپ تابىلادى.
"2017 جىلدىڭ 1 جارتىجىلدىعىندا دەپارتامەنت قوعامدا سىبايلاس جەمقورلىققا قارسى مادەنيەت قالىپتاستىرۋ بويىنشا 32 مىڭ ادامنىڭ قاتىسۋىمەن 317 شارا وتكىزدى" دەدى ءوز سوزىندە ب.يساقوۆ.
بريفينگكە كەلگەن ب ا ق وكىلدەرى وزدەرىن قىزىقتىرعان ساۋالدارىنا جاۋاپ الدى.
