Batys Qazaqstan oblysynda aýyldardyń birinde ákimdik býhgalteri ákimniń jalaqysynan aliment ustamai kelgen. Bul týraly jergilikti basylym jazdy, - dep habarlaidy Dalanews.kz.
BQO Ádilet departamenti málimetinshe, aýyldyq okrýg ákimdiginiń býhgalteri laýazymdy tulǵa bola otyryp, ákimniń jalaqysynan aliment ustamaǵan. Tiisinshe aliment óndirip alýshyǵa qarajat túspegen.
"Áiel ákimshilik jaýapkershilikke tartylyp, 55 myń teńge aiyppul salyndy", - dep jazylǵan málimette.
BQO Ádilet departamenti zań barlyǵy úshin mindetti ekenin eske saldy. Alimentterdi ýaqtyly ustamaý jáne aýdarmaý jeke tulǵalarǵa 10, laýazymdy adamdarǵa 15, zańdy tulǵalarǵa 20 AEK mólsherinde aiyppul túrinde ákimshilik jaýapkershilikke ákep soǵady.
