باتىس قازاقستان وبلىسىندا اۋىلداردىڭ بىرىندە اكىمدىك بۋحگالتەرى اكىمنىڭ جالاقىسىنان اليمەنت ۇستاماي كەلگەن. بۇل تۋرالى جەرگىلىكتى باسىلىم جازدى، - دەپ حابارلايدى Dalanews.kz.
بقو ادىلەت دەپارتامەنتى مالىمەتىنشە، اۋىلدىق وكرۋگ اكىمدىگىنىڭ بۋحگالتەرى لاۋازىمدى تۇلعا بولا وتىرىپ، اكىمنىڭ جالاقىسىنان اليمەنت ۇستاماعان. تيىسىنشە اليمەنت ءوندىرىپ الۋشىعا قاراجات تۇسپەگەن.
"ايەل اكىمشىلىك جاۋاپكەرشىلىككە تارتىلىپ، 55 مىڭ تەڭگە ايىپپۇل سالىندى"، - دەپ جازىلعان مالىمەتتە.
بقو ادىلەت دەپارتامەنتى زاڭ بارلىعى ءۇشىن مىندەتتى ەكەنىن ەسكە سالدى. اليمەنتتەردى ۋاقتىلى ۇستاماۋ جانە اۋدارماۋ جەكە تۇلعالارعا 10، لاۋازىمدى ادامدارعا 15، زاڭدى تۇلعالارعا 20 اەك مولشەرىندە ايىپپۇل تۇرىندە اكىمشىلىك جاۋاپكەرشىلىككە اكەپ سوعادى.
