Batys Qazaqstan oblysynda 11 jastaǵy balada sirek ári asa qaýipti dert – podostrly sklerozdaýshy panentsefalit tirkeldi, dep habarlaidy Dala News.
Densaýlyq saqtaý basqarmasy basshysynyń orynbasary Ainash Gýbaidýllinanyń aitýynsha, bala 9 aiynda qyzylshamen aýyrǵan. Alaida aýrýdyń saldary 10 jyldan keiin ǵana baiqalǵan.
Bul dert ortalyq júike júiesin zaqymdap, aýyr nevrologiialyq buzylystarǵa ákeledi. Mamandardyń málimetinshe, ol qyzylshadan keiin 5–10 jyl ótken soń damýy múmkin.
Aýrýdyń saldary óte aýyr: aqyl-oi qabiletiniń tómendeýi, múgedektik jáne ólim qaýpi joǵary.
Qazir óńirdegi juqpaly aýrýlar aýrýhanasynda qyzylshamen aýyrǵan naýqastarǵa arnalǵan 60 oryn bar. Onyń 34-inde naýqastar em qabyldap jatyr, onyń 28-i – balalar.
«Qaýip tobyna bir jasqa deiingi balalar, ekpe almaǵan azamattar jáne júkti áielder kiredi. Vaktsinatsiia – mundai asqynýlardan qorǵaityn jalǵyz tiimdi ádis», – dedi Ainash Gýbaidýllina.
Aita keteiik, 2026 jyldyń aqpan aiynan beri BQO-da qyzylsha boiynsha epidemiologiialyq jaǵdai kúrdeli kúiinde qalyp otyr.
