Batys Qazaqstan oblysynda ańshylyq kezinde er adam abaisyzda tanysyn atyp óltirdi, dep habarlaidy dalanews.kz.
Tergeý materialdaryna sáikes, eki tanys dalada ań aýlap júrgen. Birneshe qoian atqannan keiin olardyń biri myltyǵyn tazalamaq bolǵan sátte abaisyzda shúrippeni basyp jibergen.
Atylǵan oq qasynda turǵan tanysynyń ish tusyna tiip, er adam oqiǵa ornynda kóz jumǵan.
Tergeý barysynda qaiǵyly jaǵdaidyń qarýmen jumys isteý kezindegi qaýipsizdik talaptaryn óreskel buzýdan bolǵany anyqtaldy. Sot atqan azamatty abaisyzda adam ólimine ákep soqtyrǵany úshin kináli dep tanydy.
Úkim shyǵarý kezinde sot aiyptalýshynyń kinásin tolyq moiyndaǵanyn, jasaǵan isine ókinish bildirgenin jáne kámeletke tolmaǵan balalary bar ekenin eskerdi. Nátijesinde oǵan probatsiialyq baqylaýmen 1 jyl 6 ai merzimge bas bostandyǵyn shekteý jazasy taǵaiyndaldy.
