Aqjaiyq aýdany Taipaq aýylynda jańǵyrtylǵan aýyldyq kitaphana bazasynda Jaña klub qoǵamdyq ortalyǵynyń saltanatty ashylýy ótti,- dep habarlaidy Dalanews.kz
Ashylý rásimine Batys Qazaqstan oblysy ákiminiń orynbasary Qaiyrjan Meńdiǵaliev, QR Mádeniet jáne aqparat ministrligi Arhiv, qujattama jáne kitap isi komiteti tóraǵasynyń orynbasary Rollan Quspan, «Qazaqstan halqyna» qoǵamdyq qory basqarmasynyń tóraǵasy Liazzat Shyńǵysbaeva, osy jobanyń ideia avtory ári «TANA» qoǵamdyq qorynyń jetekshisi Kamila Luqpanova jáne basqa da qurmetti qonaqtar qatysty.
Saltanatty sharada sóz sóilegen oblys ákiminiń orynbasary Qaiyrjan Ermekuly bul kitaphananyń aýdan boiynsha modernizatsiiadan ótken ekinshi nysan ekenin atap ótti. Ol ótken jyldan bastap júzege asyrylyp jatqan kitaphanalardy jańǵyrtý jobasynyń mańyzdylyǵyna toqtalyp, joba aiasynda oblys boiynsha 25 kitaphana iriktelip, tolyqtai jańartylǵanyn aitty. Bul bastamaǵa «Qazaqstan halqyna» jáne «TANA» qoǵamdyq qorlary úlken qoldaý bildirdi.
Jańartylǵan kitaphanada keń ári jaryq oqý zaly, balalar men jasóspirimderge arnalǵan arnaiy bólmeler, media jáne rýhaniiat alańdary, prezentatsiia zaly, kórme jáne bi zaldary jasaqtalǵan. Múmkindigi shekteýli azamattar úshin de barlyq jaǵdailar qarastyrylǵan. Balalarǵa arnalǵan KidLib buryshynda 3D kitaptar, oiynshyqtar men damytýshy oiyndar qoiylǵan.
Taipaq aýyldyq kitaphanasynyń jańa formatta qaita ashylýy – aýyldaǵy mádeni ómirdi jańǵyrtý jolyndaǵy mańyzdy qadam. Bolashaqta bul kitaphana tek aqparat ortalyǵy ǵana emes, túrli jastaǵy oqyrmandar úshin tartymdy ári qoljetimdi ziiatkerlik jáne mádeni keńistikke ainalmaq.
