Batys Qazaqstan oblysynyń ákimi Narıman Tóreǵalıev erekshe qorǵalatyn tulǵalarǵa arnalǵan rezıdensıada turady. Bul nysandy ustaýǵa memleket jyl saıyn 100 mıllıon teńgeden astam qarjy jumsaıdy, dep habarlaıdy Dalanews.kz Orda.kz-ke siltep.
BQO ákiminiń keńsesinde tek rezıdensıa ǵana emes, sonymen qatar jeke ańshylyq sharýashylyǵy jáne ákim men onyń komandasynyń ómirin yńǵaıly etýge baǵyttalǵan tutas basqarma bar. Bul qurylym ákimdik ǵımarattaryn kútip ustaýmen, qyzmettik kóliktermen, komýnaldyq tólemdermen aınalysady jáne tipti tonometrler satyp alady.
Alaıda, ákimdik bul shyǵyndardyń naqty qandaı baptardan quralatynyn ashyp aıtýdan bas tartqan. Olardyń aıtýynsha, oblys ákiminiń rezıdensıasy men Ianaıkıno aýyly mańyndaǵy ańshylyq sharýashylyǵy komýnaldyq menshikke jatady. Bul múlik “BQO ákimi apparatynyń sharýashylyq basqarmasy” JSHS-niń balansyna bekitilgen. Ákimdik bul nysandardyń baǵalaý qunyn esepteýge qosymsha qarjy jumsamaý úshin ázirge baǵalamaǵanyn, qajet bolǵan jaǵdaıda ǵana baǵalaıtynyn málimdedi.
Jýrnalıser ákim rezıdensıasy men ańshylyq sharýashylyq týraly keńirek aqparat suraǵanda, ákimdik tolyq málimet berýden bas tartqan. Sebep retinde jýyrda ótetin Qazaqstan–Reseı prezıdentteri qatysatyn óńiraralyq forým kezinde bul aqparattyń teris maqsatta qoldanylýy múmkin ekenin alǵa tartty. Sonymen qatar, bul eki nysannyń “terorıstik turǵyda osal” obektiler qataryna jatatynyn” aıtty.
Batysqazaqstandyqtar úshin bul qupıa emes
Batys Qazaqstan turǵyndary úshin Narıman Tóreǵalıevtyń qyzmettik páterde emes, Ýralsk qalasynyń Samal shaǵyn aýdanyndaǵy qorǵalatyn tulǵalarǵa arnalǵan rezıdensıada turatyny qupıa emes.
Resmı ataýy – “Oral qalasynyń shet aımaǵyndaǵy qonaq úı kesheni”. Jalpy aýmaǵy 11 269 sharshy metr, al negizgi ǵımarattyń ózi 3 382 sharshy metrdi alyp jatyr.
