Sálemetsizderme qurbylarym, sińilderim. Men osy saittyń jańalyqtaryn úzbei oqimyn, Biraz ýaqyttan beri nebir taǵdyrlar týraly oqyp, birinen sabaq alsaq, endi birine janymyz kúizelip, ýaiymdadyq. Men búgin ózimdi alańdatatyn másele týraly oi bólissem dep edim.
Qanshama qyzdarymyzdyń bosaǵa attamai turyp sezimge berilip qoiyp, artynan kóterip qoiyp jatqany jaiynda qazir jii estimiz, oqimyz. Kei bireýleri týyp tastap ketse, endi biri aldyrtyp tastaidy da, turmysqa shyqannan keiin kótere almai jýrgen jailary da bar.
Al keibirleri balasyn qýshaqtap kóshede qalady, ne áke-sheshesine, ne týǵan-týysqa qaraityn bet joq. Al baiaǵy kúidim, súidim degen jigitteri bolsa isterin istep, joq bop joǵalyp ketip jatady. Árine baqytty bop ketkenderi de joq emes,biraq sorlaǵany qanshama. Solardy oilap ýaiymdaimyn (bolashaq urpaǵymyzdyń zamany qalai bolar eken?) dep. Ul, qyz ósirip otyrǵannan keiin. Men de bir anamyn, bireýge ápkemin, bireýge jeńgemin degendei.
Jaqynda bir jaǵdaidy estip, qatty nalydym. Osyny oqyp otyrǵan qyzdar bolsa, ómirlik sabaq bolsyn dep jazyp otyrmyn.Úshinshi kýrs stýdenti jataqhanada jatyp oqityn bolady. Óziniń bir pánnen sabaq beretin aǵaiyna ǵashyq bolyp, onymen jaqyndasyp qoiady. Sóitip júrgende qyz aiaǵynyń aýyr ekenin baiqap, aǵaiyna aitady. (Aǵaiy ózinen biraz jas úlken). Ol jigit bolsa qyzǵa bazarda óte arzan turatyn qytaidyń dárisi bar ekenin, sony iship bir uiyqtap tursa, sharananyń etek kiri kelgendei aǵyp túsip qalatynyn aitady. Esh jeriń aýyrmaidy deidi.
Jap-jas ańqaý qyz álgi dárini satyp alyp ishedi de uiyqtap qalady. Uiqydan tursa ishi búrip aýyrtyp, astynan qan ketip jatyr eken.
Endi ornynan tura bergende, esinen tanyp, talyp qalady. Byrge turatyn qurbmylary kelip qalyp,jedel járdem shaqyrtady. (qyzdyń jaǵdaiynan eshbiri de beihabar edi) Aýrýhanaǵa aparsa, álgi qytaidyń dárisi, qyzdyń jatyryn kýidirip jiberipti. Sonymen jatyryn alyp tastaýǵa týra keledi.
Nedegen jan túrshigerlik jaǵdai, dushpanyma da tilemespin. Bireýińiz aqyl aityp jatr dersizder, birińiz “qýmashy” deitin shyǵarsyzdar.
Aitaiyn degenim qyzdar, árqaisylaryńyz súiikti jar,appaq kelin, aiaýly ana bolýǵa ábden laiyqsyzdar. Ómirden óz oryndaryńyzdy taýyp, baqytty bolyńyzdarshy?!
Anonim
Derekkóz: alashainasy.kz
