سەلەمەتسٸزدەرمە قۇربىلارىم, سٸڭٸلدەرٸم. مەن وسى سايتتىڭ جاڭالىقتارىن ٷزبەي وقيمىن, بٸراز ۋاقىتتان بەرٸ نەبٸر تاعدىرلار تۋرالى وقىپ, بٸرٸنەن ساباق الساق, ەندٸ بٸرٸنە جانىمىز كٷيزەلٸپ, ۋايىمدادىق. مەن بٷگٸن ٶزٸمدٸ الاڭداتاتىن مەسەلە تۋرالى وي بٶلٸسسەم دەپ ەدٸم.
قانشاما قىزدارىمىزدىڭ بوساعا اتتاماي تۇرىپ سەزٸمگە بەرٸلٸپ قويىپ, ارتىنان كٶتەرٸپ قويىپ جاتقانى جايىندا قازٸر جيٸ ەستيمٸز, وقيمىز. كەي بٸرەۋلەرٸ تۋىپ تاستاپ كەتسە, ەندٸ بٸرٸ الدىرتىپ تاستايدى دا, تۇرمىسقا شىقاننان كەيٸن كٶتەرە الماي جۋرگەن جايلارى دا بار.
ال كەيبٸرلەرٸ بالاسىن قۋشاقتاپ كٶشەدە قالادى, نە ەكە-شەشەسٸنە, نە تۋعان-تۋىسقا قارايتىن بەت جوق. ال باياعى كٷيدٸم, سٷيدٸم دەگەن جٸگٸتتەرٸ بولسا ٸستەرٸن ٸستەپ, جوق بوپ جوعالىپ كەتٸپ جاتادى. ەرينە باقىتتى بوپ كەتكەندەرٸ دە جوق ەمەس,بٸراق سورلاعانى قانشاما. سولاردى ويلاپ ۋايىمدايمىن (بولاشاق ۇرپاعىمىزدىڭ زامانى قالاي بولار ەكەن?) دەپ. ۇل, قىز ٶسٸرٸپ وتىرعاننان كەيٸن. مەن دە بٸر انامىن, بٸرەۋگە ەپكەمٸن, بٸرەۋگە جەڭگەمٸن دەگەندەي.
جاقىندا بٸر جاعدايدى ەستٸپ, قاتتى نالىدىم. وسىنى وقىپ وتىرعان قىزدار بولسا, ٶمٸرلٸك ساباق بولسىن دەپ جازىپ وتىرمىن.ٷشٸنشٸ كۋرس ستۋدەنتٸ جاتاقحانادا جاتىپ وقيتىن بولادى. ٶزٸنٸڭ بٸر پەننەن ساباق بەرەتٸن اعايىنا عاشىق بولىپ, ونىمەن جاقىنداسىپ قويادى. سٶيتٸپ جٷرگەندە قىز اياعىنىڭ اۋىر ەكەنٸن بايقاپ, اعايىنا ايتادى. (اعايى ٶزٸنەن بٸراز جاس ٷلكەن). ول جٸگٸت بولسا قىزعا بازاردا ٶتە ارزان تۇراتىن قىتايدىڭ دەرٸسٸ بار ەكەنٸن, سونى ٸشٸپ بٸر ۇيىقتاپ تۇرسا, شارانانىڭ ەتەك كٸرٸ كەلگەندەي اعىپ تٷسٸپ قالاتىنىن ايتادى. ەش جەرٸڭ اۋىرمايدى دەيدٸ.
جاپ-جاس اڭقاۋ قىز ەلگٸ دەرٸنٸ ساتىپ الىپ ٸشەدٸ دە ۇيىقتاپ قالادى. ۇيقىدان تۇرسا ٸشٸ بٷرٸپ اۋىرتىپ, استىنان قان كەتٸپ جاتىر ەكەن.
ەندٸ ورنىنان تۇرا بەرگەندە, ەسٸنەن تانىپ, تالىپ قالادى. بىرگە تۇراتىن قۇربمىلارى كەلٸپ قالىپ,جەدەل جەردەم شاقىرتادى. (قىزدىڭ جاعدايىنان ەشبٸرٸ دە بەيحابار ەدٸ) اۋرۋحاناعا اپارسا, ەلگٸ قىتايدىڭ دەرٸسٸ, قىزدىڭ جاتىرىن كۋيدٸرٸپ جٸبەرٸپتٸ. سونىمەن جاتىرىن الىپ تاستاۋعا تۋرا كەلەدٸ.
نەدەگەن جان تٷرشٸگەرلٸك جاعداي, دۇشپانىما دا تٸلەمەسپٸن. بٸرەۋٸڭٸز اقىل ايتىپ جاتر دەرسٸزدەر, بٸرٸڭٸز “قۋماشى” دەيتٸن شىعارسىزدار.
ايتايىن دەگەنٸم قىزدار, ەرقايسىلارىڭىز سٷيٸكتٸ جار,اپپاق كەلٸن, اياۋلى انا بولۋعا ەبدەن لايىقسىزدار. ٶمٸردەن ٶز ورىندارىڭىزدى تاۋىپ, باقىتتى بولىڭىزدارشى?!
انونيم
دەرەككٶز: alashainasy.kz
