Kásipker Qairat Boranbaevtyń ieliginen ketken Astanadaǵy qonaqúi satýǵa shyǵaryldy, - dep habarlaidy Dalanews.kz.
negeaqsha málimetinshe, Investitsiialar jáne kásipkerlikti damytý basqarmasy Comfort Hotel-di 3,9 milliard teńgege satyp alý quqyǵymen bes jylǵa senimgerlik basqarýǵa berýdi josparlap otyr.
Satylym 27 naýryzda júzege asyrylady jáne qonaqúi jalǵyz adamǵa berilýi múmkin. Jańa basshy biznestiń maqsatyn saqtaýǵa mindetti.
"Qarjylyq esep boiynsha byltyr qonaqúidiń taza tabysy 65,6 million teńge bolǵan", - dep jazylǵan málimette.
Aita keteiik, buǵan deiin tergeýmen erikti yntymaqtastyq aiasynda QMA Qairat Boranbaevtyń múlkin memleketke qaitarý sharalaryn qabyldady.
Qairat Boranbaevtyń kompaniialary Memlekettik múlik komitetine jalpy quny 1,4 milliard teńgeden asatyn Comfort Hotel Astana qonaqúi keshenin memleket menshigine óz erkimen berý úshin tiisti ótinimder berdi.
"Aýmaǵy 5 myń sharshy metrden asatyn bul qonaqúi kesheniniń jyldyq ainalymy 900 million teńgege jýyq", - dep jazylǵan edi QMA málimetinde.
Alǵashynda qoldanystaǵy zańnamaǵa sáikes bul nysandy demalys, saýyqtyrý jáne bilim berý ortalyqtaryn uiymdastyrý, áleýmettik maqsatta paidalaný josparlanǵan edi.
