Nazarbaevtardyń burynǵy qudasy, oligarh Qairat Boranbaev Ulttyq paralimpiada komitetiniń prezidenti bolyp qaita sailandy, - dep habarlaidy Dalanews.kz.
Boranbaev áleýmettik jelide bul qyzmetke Paralimpiada federatsiiasy ókilderiniń biraýyzdan sheshimimen sailanǵanyn jazdy.
"Bul - men úshin óte mańyzdy laýazym. Qazaqstanda paralimpiadalyq qozǵalysty damytý jónindegi aýqymdy strategiiamyzdy iske asyryp jatyrmyz. Keiingi jyldary qol jetkizgen jetistikterimizge qaramastan, josparlarymyz kóp. Sonyń arqasynda Qazaqstan parasporttaýshylardy kásibi túrde daiyndai alatyn, olarǵa kóńil bóletin, sondai-aq, múgedektigi bar adamdarǵa qoldaý kórsetetin el retinde bedelin odan ári nyǵaitady", - dedi Boranbaev.
Sondai-aq, kásipker qazir Parijdegi Paralimpiada oiyndaryna qyzý daiyndyq júrip jatqanyn, kóp sportshy litsenziia alýy úshin parasporttaýshylarǵa qoldaý kórsetiletinin málimdedi.
"Jyl sońyna qarai jazǵy sport túrleri boiynsha daiyndyq múmkindigin keńeitý úshin Astanada jańa jattyǵý ortalyǵynyń qurylysyn bastaimyz. Parasporttyń qysqy túrlerin damytý úshin "Tarlan" inkliýzivti muz aidynyn qaita qurýdy josparlap otyrmyz. Bul joba qysqy Paralimpiadaǵa daiyndalý úshin mańyzdy. Sondai-aq, sport infraqurylymyn damytý jáne paralimpiadashylarymyz halyqaralyq jarystarda jeńiske jetýi úshin zamanaýi trenajerlardy satyp alý boiynsha belsendi jumys istep jatyrmyz", - dedi ol.
Kásipker Ulttyq paralimpiada komitetin 2015 jyldan bastap basqarady.
