نازاربايەۆتاردىڭ بۇرىنعى قۇداسى، وليگارح قايرات بورانبايەۆ ۇلتتىق پاراليمپيادا كوميتەتىنىڭ پرەزيدەنتى بولىپ قايتا سايلاندى، - دەپ حابارلايدى Dalanews.kz.
بورانبايەۆ الەۋمەتتىك جەلىدە بۇل قىزمەتكە پاراليمپيادا فەدەراسياسى وكىلدەرىنىڭ ءبىراۋىزدان شەشىمىمەن سايلانعانىن جازدى.
"بۇل - مەن ءۇشىن وتە ماڭىزدى لاۋازىم. قازاقستاندا پاراليمپيادالىق قوزعالىستى دامىتۋ جونىندەگى اۋقىمدى ستراتەگيامىزدى ىسكە اسىرىپ جاتىرمىز. كەيىنگى جىلدارى قول جەتكىزگەن جەتىستىكتەرىمىزگە قاراماستان، جوسپارلارىمىز كوپ. سونىڭ ارقاسىندا قازاقستان پاراسپورتتاۋشىلاردى كاسىبي تۇردە دايىنداي الاتىن، ولارعا كوڭىل بولەتىن، سونداي-اق، مۇگەدەكتىگى بار ادامدارعا قولداۋ كورسەتەتىن ەل رەتىندە بەدەلىن ودان ءارى نىعايتادى"، - دەدى بورانبايەۆ.
سونداي-اق، كاسىپكەر ءقازىر پاريجدەگى پاراليمپيادا ويىندارىنا قىزۋ دايىندىق ءجۇرىپ جاتقانىن، كوپ سپورتشى ليسەنزيا الۋى ءۇشىن پاراسپورتتاۋشىلارعا قولداۋ كورسەتىلەتىنىن مالىمدەدى.
"جىل سوڭىنا قاراي جازعى سپورت تۇرلەرى بويىنشا دايىندىق مۇمكىندىگىن كەڭەيتۋ ءۇشىن استانادا جاڭا جاتتىعۋ ورتالىعىنىڭ قۇرىلىسىن باستايمىز. پاراسپورتتىڭ قىسقى تۇرلەرىن دامىتۋ ءۇشىن "تارلان" ينكليۋزيۆتى مۇز ايدىنىن قايتا قۇرۋدى جوسپارلاپ وتىرمىز. بۇل جوبا قىسقى پاراليمپياداعا دايىندالۋ ءۇشىن ماڭىزدى. سونداي-اق، سپورت ينفراقۇرىلىمىن دامىتۋ جانە پاراليمپياداشىلارىمىز حالىقارالىق جارىستاردا جەڭىسكە جەتۋى ءۇشىن زاماناۋي ترەناجەرلاردى ساتىپ الۋ بويىنشا بەلسەندى جۇمىس ىستەپ جاتىرمىز"، - دەدى ول.
كاسىپكەر ۇلتتىق پاراليمپيادا كوميتەتىن 2015 جىلدان باستاپ باسقارادى.
