Kásipker Qaırat Boranbaev memleketke quny 35 mıllıard teńge bolatyn munaı kompanıasyn qaıtardy, - dep habarlaıdy Dalanews.kz.
Qaırat Boranbaevqa tıesili Phystech II kompanıasy tolyǵymen memleket balansyna ótti. Bul týraly aksıonerler tiziliminiń úzindi kóshirmesinde aıtylǵan. Qujat KASE-de 1 tamyz kúni paıda boldy.
Qujatqa sáıkes, 1 shildedegi jaǵdaı boıynsha «Phystech II» AQ jalǵyz aksıoneri - QR Qarjy mınıstrliginiń Memlekettik múlik jáne jekeshelendirý komıteti. Kompanıada barlyǵy 18,5 mıllıon aksıa bar, onyń 13 749 100 aksıasy qor bırjasynda tirkelgen.
Aıta keteıik, aksıonerlik qoǵam Mańǵystaý oblysyndaǵy Soltústik Qarajanbas ken ornynda munaı óndiredi, onyń quny 35,5 mlrd teńgege baǵalandy. Boranbaev Phystech II-di KazTurboRemont holdıńi arqyly basqardy.
Aıta keteıik, byltyr 6 qarashada Qaırat Boranbaev bostandyqqa shyqty. Al oǵan deıin naýryzda ol 8 jylǵa sottaldy. Qyrkúıekte jaza merzimi 6 jylǵa deıin qysqardy.
Sonymen qatar, "baı quda" Astananyń ortalyǵyndaǵy 4 juldyzdy qonaqúıdi, basqa da biraz múlikti memleket menshigine tapsyrdy. Al aýmaǵy bes myń sharshy metrden asatyn qonaqúı kesheniniń jyldyq aınalymy shamamen 900 mıllıon teńgeden asady eken.
