Boranbaev 6 jylǵa sottala ma?
15 qyrkúiekte ótken sot otyrysynda memlekettik aiyptaýshy protsessýaldyq kelisim boiynsha Boranbaevty qylmystyq kodekstiń 28-baby 3-bóligi — 189-baby boiynsha kináli dep tanýdy, 218-babynyń 3-bóligi boiynsha kináli dep tanyp, múlkin tárkilep 6 jylǵa bas bostandyǵynan aiyrýdy surady. Sondai-aq jazasyn qaýipsizdigi ortasha mekemede óteýin surady. Qazaqstan prezidentine Qairat Boranbaevty «Qurmet», «Eren eńbegi úshin», «Parasat», III dárejeli «Barys» ordeninen aiyrý týraly usynys engizýdi surady.
Qylmystyq is boiynsha sottalýshy Roman Nahanovty múlkin tárkilep, 6 jylǵa bas bostandyǵynan aiyrýdy surady. Taiyr Januzaqty 5 jylǵa sottaýdy surady. Sot barysynda Taiyr Januzaqtyń 2019 jyly týǵan qyzyn jalǵyz tárbielep otyrǵany aityldy. Soǵan bailanysty sottalýshyǵa qyzy mektepke barǵansha jazany óteý ýaqytyn shegerýdi surady.
Sýdia Qairat Boranbaevtan «protsessýaldyq kelisimge kelistińiz be?» dep surady. Boranbaev keliskenin, shyǵyn kólemine de qarsy emes ekenin aitty. Sondai-aq protsessýaldyq kelisimge qol qoiǵanyn jáne qoldaitynyn málimdedi.
Eske sala ketsek, Boranbaevqa sot úkimi 2023 jyldyń 31 naýryzynda shyqty. Qairat Boranbaev pen Roman Nahanov 8 jylǵa bas bostandyǵynan aiyryldy. Qylmystyq is boiynsha sottalýshy – Qazaq Gaz AQ basqarma basshysynyń burynǵy orynbasary Taiyr Januzaq ta 8 jylǵa sottaldy. Ol sot zalynan qamaýǵa alyndy.
Sodan keiin Astananyń qylmystyq ister jónindegi sot alqasy Resei gazynyń baǵasy týraly aqparatty qamtityn qujat túpnusqasynyń bolmaýyna bailanysty birinshi instantsiiadaǵy sot úkiminiń kúshin joidy.
22 tamyzda Astananyń qylmystyq ister jónindegi apelliatsiialyq sot alqasy qazaqstandyq kásipker Qairat Boranbaevqa qatysty isti qarady. Boranbaevtyń advokaty Daniiar Qanafin memlekettik aiyptaýshymen protsestik kelisimge kelý týraly ótinishhat joldady.
Sottalýshylar men olardyń advokattary tergeý organdarymen protsestik kelisimge kelý týraly ótinishhatty qoldady. Sottalýshy Taiyr Januzaqtyń advokaty protsestik kelisimge kelý týraly ótinishhatty qoldaityny aityp, sot alqasynan Zańsyz alynǵan aktivterdi memleketke qaitarý týraly zańdy nazarǵa alýdy surady.
Sýdia Qairat Boranbaevtan «kináńizdi moiyndaisyz ba?» dep surady. Boranbaev «protsestik kelisim boiynsha, iá» dep jaýap berdi.
