Bolgarıanyń premer-mınıstri Kırıl Petkov tyńshylyq qyzmetpen aınalysqan Reseı elshiligindegi 70 qyzmetkerin elden shyǵaratyndaryn málim etti, – dep habarlaıdy Dalanews.kz.

Bolgarıanyń premer-mınıstri elden shyǵarylatyn Reseı azamattarynyń dıplomatıalyq tólqujattary bolǵanymen olar kúmándi istermen aınalysqanyn arnaıy qyzmeti anyqtaǵanyn alǵa tartty.

– Bizdiń bul áreketimizdi orys halqyna jasalǵan agresıa dep qabyldamaý kerek. Reseıge qaıtatyn azamattardyń kópshiligi dıplomatıalyq qyzmetti búrkemelep, shpıondyq ispen aınalysqan. Sondyqtan bizder olardy el aýmaǵynan shyǵarýǵa májbúrmiz, – dedi Kırıl Petkov.

Kırıl Petkovtyń aıtýynsha, aldaǵy jeksenbi kúni orystyń 70 shpıonyn elden alastamaq.

Jalpy, Bolgarıanyń orys dıplomattaryn elden qýý birinshi ret emes. Bolgarlar buǵan deıin orys dıplomattaryn elden qýǵan bolatyn.