بولگاريانىڭ پرەمەر-مينيسترى ەلدەن شىعارىلاتىن رەسەي ازاماتتارىنىڭ ديپلوماتيالىق ءتولقۇجاتتارى بولعانىمەن ولار كۇماندى ىستەرمەن اينالىسقانىن ارنايى قىزمەتى انىقتاعانىن العا تارتتى.
– ءبىزدىڭ بۇل ارەكەتىمىزدى ورىس حالقىنا جاسالعان اگرەسسيا دەپ قابىلداماۋ كەرەك. رەسەيگە قايتاتىن ازاماتتاردىڭ كوپشىلىگى ديپلوماتيالىق قىزمەتتى بۇركەمەلەپ، شپيوندىق ىسپەن اينالىسقان. سوندىقتان بىزدەر ولاردى ەل اۋماعىنان شىعارۋعا ءماجبۇرمىز، – دەدى كيريلل پەتكوۆ.
كيريلل پەتكوۆتىڭ ايتۋىنشا، الداعى جەكسەنبى كۇنى ورىستىڭ 70 شپيونىن ەلدەن الاستاماق.
جالپى، بولگاريانىڭ ورىس ديپلوماتتارىن ەلدەن قۋۋ ءبىرىنشى رەت ەمەس. بولگارلار بۇعان دەيىن ورىس ديپلوماتتارىن ەلدەن قۋعان بولاتىن.
