Jarys aldynda sóz alǵan Bolathan Taijannyń jary Aisulý Taijan boks pen tennis – Bolathan Taijannyń eń súiikti sport túrleriniń biri bolǵanyn aita kelip, sportshylarǵa jaqsy óner kórsetýine tilektestigin bildirdi. Al «Bolathan Taijan atyndaǵy qordyń» prezidenti, qoǵam qairatkeri Muhtar Taijan bul jarys tek óz ákesine ǵana arnalmaǵanyn, búkil ákelerge arnalyp otyrǵanyn eskerte ketti. Sonymen birge qoǵam qairatkerleri men ult janashyrlarynyń eske alý sharalaryn dóńgelek ústel deńgeiinde ǵana emes, halyqtyń kóńili men rýhyn kóteretin sporttyq sharalardy ótkizý, olardy dáripteý men nasihattaýdyń anaǵurlym áserli ekenin aityp ótti. Sondyqtan da, ult janashyrynyń 75 jyldyǵyn ótkizerde halyqty belsendi ómirge jeteleitin sharalar uiymdastyrdyq dedi.
- 28.02.2016 jyl, jeksenbi, saǵat 9.00 – Bolathan Taijanǵa arnalǵan Almaty qalalyq shahmattan áýesqoi jarys. Ótetin orny: «Debiýt» shahmat klýby.
- 04.03.2016 jyl, juma, saǵat 11.00 –Bolathan Taijanǵa arnalǵan úlken dóńgelek ústel ótpek. Ótetin orny: Ulttyq kitaphana.
- 08.03.2016 jyl – Bolathan Taijan jáne Muhtar Taijan týraly «Áke joly» atalatyn jańa derekti filmniń tusaýkeseri.
Bolathan Taijannyń 75 jyldyq mereitoiyn ótkizý – tek uly Muhtar Taijannyń ǵana moinyndaǵy jumys emes. Tirshiliginde halqyna, memleketine adal qyzmet atqaryp, halyqtyń súiiktisi bolǵan ult janashyry mereitoiynyń óz deńgeiinde ótýine atsalysý bárimizdiń de azamattyq boryshymyz bolyp sanalatynyn umytpaiyq.
Esterińizge sala ketsem, osy aptada shahmattan ótetin jarysqa qatysý úshin tirkeý jalǵasyp jatyr. Almaty qalasy, 291-64-11 telefon nómerine qońyraý shalyp, tirkele alasyzdar. Jarys Shveitsariia 15-minýttyq ádispen ótedi. Jeńimpazdar: 1-shi oryn – 50 myń teńge, 2-shi oryn – 30 myń teńge, 3-shi oryn – 20 myń teńgemen jáne kitaptarmen marapattalady. Barlyqtaryńyzdy jeksenbi kúni Sh.Ýálihanov kóshesiniń qiylysyndaǵy Qabanbai batyr kóshesi, 71-úide ornalasqan «Debiýt» shahmat klýbynda kútemiz.
Turdybek Qurmethan
