Qazaqstannyń burynǵy prezidenti Nursultan Nazarbaevtyń inisi — Bolat Nazarbaev qaitys bolǵannan keiin, onyń artynda qaldyrǵan múlkine qatysty negizgi suraq — ósiet bar ma, joq pa — uzaq ýaqyt boiy ashyq kúiinde boldy. Kópshilik elitalyq jyljymaityn múlikten bastap, kommertsiialyq kompaniialar men jer telimderine deiingi úlken aktivter zań boiynsha muragerler arasynda bólinedi dep topshylady, dep habarlaidy Dalanews.kz Orda.kz-ke silteme jasap.
Zańger Dmitrii Sazonov ósiet bolǵanyn jáne jalǵyz resmi murager retinde Bolat Nazarbaevtyń úlken uly Nurbol Nazarbaev kórsetilgenin málimdedi.
Qujat júzinde murager bireý bolǵanymen, otbasynyń basqa músheleri de múlikten úles alǵan. Mysaly, Bolat Nazarbaevqa tiesili úilerdiń biri resmi túrde 38 úleske bólingen. Onyń ishinde 25 úles Nurbolǵa berilse, qalǵan 13 úles týystary arasynda úlestirilgen.
Qai úi bólingeni naqty belgisiz, biraq jýrnalister tórt yqtimal nysandy atap ótedi:
▪️ №1 úi – Almaty qalasy, Gornaia kóshesi. Fýtbol alańy, jylyjaiy men záýlim saraiy bar ielik.
▪️ №2 úi – Almaty qalasy, Ondasynov kóshesi. Ormanmen qorshalǵan, syrtqy kelbeti saraidy eske túsiredi.
▪️ №3 úi – Almaty oblysy, Qarasai aýdany, Shamalǵan aýyly. Taýdyń etegindegi eki qabatty úi jáne qosymsha qurylystar.
▪️ №4 úi – Shamalǵandaǵy taǵy bir ielik.
Nurbol Nazarbaevqa Almatydaǵy múlikter de buiyrdy
Jýrnalisterdiń málimetinshe, ósietke sáikes, Nurbol Nazarbaevqa Almatydaǵy jyljymaityn múlik te berilgen, onyń ishinde BNC Plaza turǵyn úi keshenindegi páter bar. Aita keteiik, bul keshen burynnan Nurbol Nazarbaevqa TOO «PrimeCapital Re Plaza» kompaniiasy arqyly tiesili bolǵan, al kompaniianyń ózi oǵan ákesiniń kózi tirisinde-aq ótken.
Buǵan deiin Bolat Nazarbaev qaitys bolǵan soń onyń týystary muragerlik quqyq alý úshin ótinish bildirgeni habarlanǵan. Olar ortaq múlik pen zań boiynsha tiesili mindetti úleske úmitker ekenin málimdegen.
Ósiet boiynsha mura alý týraly Nurbol Nazarbaev pen Bolat Nazarbaevtyń jary Dinara Nazarbaeva ótinish jasaǵan. Dinara hanym ortaq nekede jinalǵan múliktiń jartysyna úmitker ekenin kórsetken. Sonymen qatar, Bolat Nazarbaevtyń 13 balasy zań boiynsha mindetti mura úlesine quqyq alý maqsatynda ótinish túsirgen.
