Bolat Nazarbaevpen bailanysy bar kompaniia Býrabai ulttyq parkindegi jer teliminen aiyrylýy múmkin, dep habarlaidy Dalanews.kz.
"GosArhiv" málimetinshe, Aqmola oblysynyń Jer resýrstary departamenti "Býrabai" ulttyq parkiniń aýmaǵynan buryn berilgen jer telimin zańsyz dep taný týraly "KIK-Astana" JShS-ne qarsy sotqa talap aryz túsirgen.
Aqparatta bul iske Bolat Nazarbaevtyń, onyń balalary men týystarynyń qatysy bar dep kórsetilgen.
Aýyl sharýashylyǵy vitse-ministri Azat Sultanovtyń aitýynsha, prokýratýranyń usynysy boiynsha zańsyz berilgen jer telimderin qaitarý jumystary júrgizilip jatyr. Buǵan deiin sot talap aryzdy qaita qaraý úshin keri qaitarǵan, qazir ol tolyqtyrylyp, qaita tapsyrýǵa daiyndalyp jatyr.
Aita keteiik, "KIK-Astana" JShS buǵan deiin "Úsh Qońyr B.N." dep atalǵan jáne ol tikelei Bolat Nazarbaevpen bailanystyrylǵan bolatyn.
Eske salaiyq, buǵan deiin Aqmola oblysynda kadastrlyq quny 53,4 mln teńge bolatyn jer ýchaskesi memleket menshigine qaitaryldy. Bul jer Timýr Qulybaevtyń kompaniiasymen bailanystyryldy.
Býrabai aýdany prokýratýrasynyń bastamasymen Jer resýrstaryn basqarý departamenti "Kipros" JShS-niń paidalanýyndaǵy jer ýchaskesine ielik etý zańdylyǵyna tekseris júrgizdi. Tekseris barysynda seriktestik 2012 jyldan beri Shýche kóli jaǵalaýynda ornalasqan 3 gektar jer ýchaskesin ielenip kelgeni anyqtaldy.
Mamandandyrylǵan aýdanaralyq ekonomikalyq sottyń sheshimimen kadastrlyq quny 53,4 mln teńge bolatyn jer ýchaskesi memleket menshigine ótti.
