Bolashaqta Taraz qalai túrlenedi?
Jaqynda Jambyl oblysy ákimi Asqar Myrzahmetovtyń tóraǵalyǵymen Taraz qalasyn damytý jóninde keńestiń otyrysy ótti. Kún tártibinde shahar shyraiyn arttyrýǵa arnalǵan jobalar saralanyp, olardyń oryndalý barysy qaraldy.
Jiynda "Arbat", "Shaxristan-Kóne-Taraz" mádeni kesheni, Qazaq xandyǵynyń monýmentiniń aýmaǵyn abattandyrý jumystarynyń jospary qaita naqtylanyp, óńir basshysy jaýapty tulǵalarǵa birqatar tapsyrmalar berdi. Atap aitar bolsaq, "Arbattyń" eskizdik jobasyndaǵy otyrǵyzylatyn (taldardyń) jasyl beldeýdiń ornalasý barysyn qaita usyný, eskizdik jobasyndaǵy "Arbatqa" kire berisindegi jobalanǵan minarettiń aǵash qaqpanyń jazylýyn túrik stilinde jazý jáne kanal jaǵalaýyndaǵy naqty ornalasatyn kóne jádigerlerdi anyqtaý, "Shahristan-Kóne Taraz mádeni keshenindegi" saǵat stelasynyń jáne jaryq shamdary men oryndyqtardyń eskizdik jobasyn qaita pysyqtap, tiisti jumystar júrgizýdi tapsyrdy.
Sondai-aq, "Shahristan-Kóne Taraz mádeni kesheni" aýmaǵyndaǵy 5 kópqabatty turǵyn úi men kásipkerlik nysandardy memleket menshigine qaitarý úshin júrgizilip jatqan baǵalaý jumystaryna bilikti mamandardy tartý, "Arbattyń" boiyndaǵy jergilikti kásipkerlermen balalarǵa arnalǵan jáne skeitbord alańshalarǵa qatysty kelissóz júrgizý sharalary pysyqtaldy. Al, "Qazaq handyǵyna 550 jyl" monýmenti aýmaǵynan Qazaq handyǵyna arnalǵan "Murajai" keshenindegi salynatyn jer telimin barynsha qysqartyp, memleket menshigine qaitarý boiynsha tiisti sharalardy tiianaqty atqarý júkteldi.
Aita keteiik, Asqar Isabekuly bul jumystardyń mańyzdylyǵyn alǵa tartyp, berilgen tapsyrmalardyń jedel ári muqiiat oryndalý kerektigin basa aitty. Budan soń óńir basshysy shahardaǵy birqatar nysandarǵa at basyn buryp, jumystarymen tanysty.
