Bolashaq zańgerdiń adamgershilik mádenietiniń negizderin qalyptastyrý basty boryshymyz
Joba– ainalańa qamqorlyq tanytyp,jarqyn da nurly ómirge jol bastaý. Qazynaly qarttarǵa kóńil bólý,ata-ana qamqorlyǵynan airylǵan balalarǵa qýanysh syilaý,qoǵamǵa paidaly is atqarý jobanyń basty maqsaty.Adamgershilik mádenieti-halyqpen tyǵyz qarym-qatynas quratyn barlyq mamandyq ielerinde bolýy qajet.Osy tusta zańger mamandyǵy halyqpen etene jaqyn bolǵandyqtan joǵaryda atalǵan jaittardyń mańyzy zor. Zań salasynda qyzmet atqaratyn mamannyń sóileý mádenietiniń joǵary dárejede bolýy da kásibi talap.Zańgerdiń bilim deńgeii ǵana emes,sóileý mádenieti de mańyzdy ról atqarady.
Bilikti zańger bolý úshin bilim kókjiegi keń,quqyqtyq jumys tájiribesi mol bolýy shart.Degenmen, kásibi qyzmetiniń sipatyna bailanysty zańger joǵary quqyqtyq mádeniet, kásibi etika men estetikany bilýi mańyzdy. Zań mádenieti -zańdy bilýmen qalyptasady. Iaǵni, qorǵalýshynyń quqyǵyn qorǵaý barysynda naqty faktimen, talappen, zań aiasymen júrý,ótirikke,alaiaqtyqqa jol bermeý.Dóńgelek ústel barysynda bilim alýshylar taǵy da bir ózekti máseleni tilge tiek etti.Qazirgi tańdaǵy jalpy halyqtyń quqyqtyq mádenieti men quqyqtyq saýattylyǵyn arttyrý, osy negizde quqyqtyq tártipti nyǵaitý memlekettik bilik pen jergilikti ózin-ózi basqarý organdarynyń qyzmetiniń mańyzdy baǵyttary bolyp tabylatynyn atap ótti.
Oi bólisip,pikir almasa otyra bilim alýshylar zań salasynynyń taǵy bir mańyzdy máselesi sot ádildigin aityp ótti.Bolashaǵy myǵym eldiń taǵy bir satysysy-sot ádildigi.Ádil qoǵam-yntymaǵy nyǵaiaiýshy el.Sot tóreligi barysynda zańdy úkim, ádil sheshim zańger mádenietiniń eń basty kórsetkishi dep oilaimyn. BUU-nyń bastaýymen alǵash ret «turaqty damý» kontseptsiiasy usynylǵany bárimizge belgili.Turaqty damý maqsattarynyń ishindegi 16-maqsat: «Beibitshilik,ádildik jáne tiimdi institýttar» ekenin alǵa tartqym keledi.Ádil qazylyq etý — ár sýdianyń qasietti paryzy. Ol úshin zańdy bes saýsaqtai bilip, jatqa aita bilý jetkiliksiz. Eń bastysy, bi-adal, ádil bolyp, is boiynsha sheshim qabyldaǵanda jigerlikti, batyldyqty, tabandylyqty kórsete bilýi – zaman talaby ekendigin umytpaýy qajet.
Zańger jumysy – quqyq úshin kúres, ol kúres zańgerlerge úlken rýhani shabyt syilaidy. Zańger mamandyǵynyń taǵy keremet múmkindigi – alynǵan bilimdi memlekettik basqarýdyń ár salasynda: ǵylymda, ekonomikada, mádeniette, sportta jáne jýrnalistikada paidalanýǵa bolady. Joǵary bilikti zańger kásibi qyzmette árqashan qajet. Zańger mamandyǵyn támamdaǵan shynaiy bilikti mamandar joǵary intellektýaldy ári uiymdastyrýshylyq qabiletke ie bolady. Sebebi,zań salasy adam ómirine jaýapty bolar mamandyqtyń biri ári biregeii.
Sýleimenova S.J
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý,eńbek quqyǵy kafedrasynyń meńgerýshisi,zań ǵylymdarynyń doktory,professor
Nýrahmetova G.G.
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý, eńbek quqyǵy kafedrasynyń z.ǵ.k., dotsent
