V.Gavrilenko kepilgerlerden keshirim surap, oqý aqysy boiynsha qaryzyn óz erkimen tóleýge mindettendi, - dep habarlaidy Dalanews.kz.
Burynǵy stipendiat V.Gavrilenko jáne kepilgerler M.Daribaeva men N.Vorobevamen rezonanstyq jaǵdai zań aiasynda sheshildi. Mediatsiia qorytyndysy boiynsha V.Gavrilenko oqý beresheginiń tolyq somasyn óz erkimen óteýge mindettendi.
Shartty qamtamasyz etý úshin berilgen kepil múlki shyǵyndardyń qajetti somasyn jabady, sondyqtan kepilgerler men Ortalyq arasynda kelisimshart buzyldy.
Esterińizge sala keteiik, 2024 jyldyń qańtarynda Ortalyq anyqtalǵan buzýshylyqtardyń materialdaryn quqyq qorǵaý organdaryna joldaǵan bolatyn. QR Sybailas jemqorlyqqa qarsy is-qimyl agenttigi Ortalyqtyń burynǵy laýazymdy tulǵalaryna qatysty sotqa deiingi tergeý amaldaryn júrgizýde.
Valeriia Gavrilenko kepilgerlerden keshirim surady jáne Ortalyq belgilegen tártipte qaryzdy ótep jatyr.
Halyqaralyq baǵdarlamalar ortalyǵy sharttyq mindettemelerdi oryndaýdan aýytqyǵan jáne stipendiiadan aiyrylǵan tulǵalardan memlekettik biýdjetke qarajatty qaitarý jónindegi jumysty jalǵastyrýda.
