Jýrnalister Aigúl Ádilova, Dmitrii Oleinikov jáne rejisser Arman Eshtaev stýdenttermen jýrnalistik ómirdiń qupiialarymen bólisip, teledidarda jumys isteýdiń qiyndyqtary men artyqshylyqtary týraly aitty. Birinshi kýrs stýdentteri arasynda «Otdel jýrnalistskih rassledovanii» baǵdarlamasynda kóteriletin taqyryptar qyzyǵýshylyq týdyrdy. Óz isiniń mamandary bolashaq jýrnalisterge únemi bilim alýǵa, ony qyzmet aiasynda paidalanýǵa jáne jetistikterge qol jetkizý jolynda eshqashan toqtamaýǵa keńes berdi.
Aita keteiik, stýdentter úshin sheberlik sabaqtaryn ótkizý «Habar» Agenttigi qyzmetkerleriniń dástúrine ainaldy. Mundai is-sharalar tájiribe almasý jáne Qazaqstandaǵy jýrnalistikany damytýǵa baǵyttalǵan.
– Maman tapshylyǵy máselesi qashan da ózekti. Kez kelgen sala úshin mańyzy joǵary. Memleket JOO-nyń durys baǵytta jumys isteýine jaǵdai jasap jatyr. Eń bastysy – jastardyń damýyna barlyq múmkindikter jasalǵan. Mamandyqty durys tańdap, biliktiligin arttyryp otyrý – árkimniń óz qolynda, – dedi «Otdel jýrnalistskih rassledovanii» jobasynyń jetekshisi Aigúl Ádilova.
Aita keterligi, dáristi tyńdaýǵa jinalǵandar - oqý ornyndaǵy jańa mamandyqtyń alǵashqy leginiń stýdentteri. Bolashaq jýrnalister analitika men jýrnalistik zertteýlerge mamandanǵandyqtan, bul master-klassty aýditoriia jaqsy qabyldady.
«Stýdentter jaqsy pikirlerimen bólisti. Shynynda da, is-shara qyzyqty boldy. Spikerler túsirilim kezinde oryn alǵan jaǵdailar týraly aitty. Yntymaqtastyqty odan ári jalǵastyrǵymyz keledi», - dedi QazMZÝ-diń Joǵary gýmanitarlyq mektebiniń dekany Anar Ibraeva.
