Ǵylym jáne joǵary bilim ministri Saiasat Nurbek «Bolashaq» baǵdarlamasyna qatysty qandai ózgerister bolatynyn aitty, - dep habarlaidy Dalanews.kz Qaz365.kz-ke siltep.
Ministrdiń sózinshe, qazir Prezidenttiń tapsyrmalaryna sáikes «Bolashaq» baǵdarlamasynyń erejeleri ózgertilip jatyr.
"Ǵylymi taǵylymdamalardyń sany eki ese qysqartylady. 250 grant bólinedi. Bosaǵan granttardy jańa baǵyttarǵa baǵyttaimyz. Birinshi, jasandy intellekt. Kelesi jyldan bastap jylyna jasandy intellekt salasyndaǵy sarapshylaryn daiyndaý úshin 100 grant kvota retinde bólek bólinedi. Onyń ishinde ǵylymi taǵylymdama, doktorantýra jáne magistratýra.
Ekinshi úlken ózgeris: kelesi jyldan bastap bakalavriat qaitarylady. Bul óte jaqsy serpin beredi degen úmittemiz. Bakalavriatqa halyqaralyq olimpiadalarda, ǵylymi konkýrstarda júldeli oryndary bar talapkerler túse alady. Iaǵni, myqty ýniversitetke túsip, halyqaralyq olimpiadalarǵa qatysqan balalarǵa arnaiy kvota ashylady. Buryn memlekettik qyzmetkerlerge sondai kvota bolǵan. Endi sol qaitarylady", - deidi Saiasat Nurbek.
Sheneýniktiń aitýynsha, myqty jastardy memlekettik basqarý júiesine shaqyrý – úlken másele. Odan keiin bul usynys retinde biraz rezonans týdyrǵan.
"Halyqaralyq úlken uiymdarda, BUU-da, bizdiń Qazaqstan múshe bolǵan uiymdarda "Bolashaq" baǵdarlamasynyń túlekteri jumys isteýge múmkindik berilsin degen. Bul – bizdiń SIM, syrtqy vedomstvolar, elshilikter tarapynan shyqqan usynys. Biz qazir ony qarastyryp jatyrmyz. Bul suraqty ashyq talqylaýǵa qoidyq. Nege deseńiz, keibir memleketterde Resei, AQSh, Qytai, Eýropa elderi, Túrkiia bolsyn – halyqaralyq uiymdarǵa óziniń azamattaryn jumys isteýine, qyzmette kóretilýine arnaiy baǵdarlamalar da bar. Ol uiymdardyń elge degen, Qazaqstanǵa degen yqpaly bar. Grant túrinde, sheshim qabyldaǵanǵa, halyqaralyq-zańnamalyq ózgeristerde... Sondyqtan osy uiymdarda bizdiń ókilderimiz bolǵany abzal. Usynys talqylanyp jatyr», - dedi ministr.
