عىلىم جەنە جوعارى بٸلٸم مينيسترٸ ساياسات نۇربەك «بولاشاق» باعدارلاماسىنا قاتىستى قانداي ٶزگەرٸستەر بولاتىنىن ايتتى, - دەپ حابارلايدى Dalanews.kz Qaz365.kz-كە سٸلتەپ.
مينيستردٸڭ سٶزٸنشە, قازٸر پرەزيدەنتتٸڭ تاپسىرمالارىنا سەيكەس «بولاشاق» باعدارلاماسىنىڭ ەرەجەلەرٸ ٶزگەرتٸلٸپ جاتىر.
"عىلىمي تاعىلىمدامالاردىڭ سانى ەكٸ ەسە قىسقارتىلادى. 250 گرانت بٶلٸنەدٸ. بوساعان گرانتتاردى جاڭا باعىتتارعا باعىتتايمىز. بٸرٸنشٸ, جاساندى ينتەللەكت. كەلەسٸ جىلدان باستاپ جىلىنا جاساندى ينتەللەكت سالاسىنداعى ساراپشىلارىن دايىنداۋ ٷشٸن 100 گرانت كۆوتا رەتٸندە بٶلەك بٶلٸنەدٸ. ونىڭ ٸشٸندە عىلىمي تاعىلىمداما, دوكتورانتۋرا جەنە ماگيستراتۋرا.
ەكٸنشٸ ٷلكەن ٶزگەرٸس: كەلەسٸ جىلدان باستاپ باكالاۆريات قايتارىلادى. بۇل ٶتە جاقسى سەرپٸن بەرەدٸ دەگەن ٷمٸتتەمٸز. باكالاۆرياتقا حالىقارالىق وليمپيادالاردا, عىلىمي كونكۋرستاردا جٷلدەلٸ ورىندارى بار تالاپكەرلەر تٷسە الادى. ياعني, مىقتى ۋنيۆەرسيتەتكە تٷسٸپ, حالىقارالىق وليمپيادالارعا قاتىسقان بالالارعا ارنايى كۆوتا اشىلادى. بۇرىن مەملەكەتتٸك قىزمەتكەرلەرگە سونداي كۆوتا بولعان. ەندٸ سول قايتارىلادى", - دەيدٸ ساياسات نۇربەك.
شەنەۋنٸكتٸڭ ايتۋىنشا, مىقتى جاستاردى مەملەكەتتٸك باسقارۋ جٷيەسٸنە شاقىرۋ – ٷلكەن مەسەلە. ودان كەيٸن بۇل ۇسىنىس رەتٸندە بٸراز رەزونانس تۋدىرعان.
"حالىقارالىق ٷلكەن ۇيىمداردا, بۇۇ-دا, بٸزدٸڭ قازاقستان مٷشە بولعان ۇيىمداردا "بولاشاق" باعدارلاماسىنىڭ تٷلەكتەرٸ جۇمىس ٸستەۋگە مٷمكٸندٸك بەرٸلسٸن دەگەن. بۇل – بٸزدٸڭ سٸم, سىرتقى ۆەدومستۆولار, ەلشٸلٸكتەر تاراپىنان شىققان ۇسىنىس. بٸز قازٸر ونى قاراستىرىپ جاتىرمىز. بۇل سۇراقتى اشىق تالقىلاۋعا قويدىق. نەگە دەسەڭٸز, كەيبٸر مەملەكەتتەردە رەسەي, اقش, قىتاي, ەۋروپا ەلدەرٸ, تٷركييا بولسىن – حالىقارالىق ۇيىمدارعا ٶزٸنٸڭ ازاماتتارىن جۇمىس ٸستەۋٸنە, قىزمەتتە كٶرەتٸلۋٸنە ارنايى باعدارلامالار دا بار. ول ۇيىمداردىڭ ەلگە دەگەن, قازاقستانعا دەگەن ىقپالى بار. گرانت تٷرٸندە, شەشٸم قابىلداعانعا, حالىقارالىق-زاڭنامالىق ٶزگەرٸستەردە... سوندىقتان وسى ۇيىمداردا بٸزدٸڭ ٶكٸلدەرٸمٸز بولعانى ابزال. ۇسىنىس تالقىلانىپ جاتىر», - دەدٸ مينيستر.
