Búgin, 13 jeltoqsanda bokstan álem chempionatynyń finaldyq jekpe-jegi ótedi, dep habarlaidy Dalanews.kz.
Qazaqstan atynan sharshy alańǵa tórt boksshy shyǵady:
- Sáken Bibosynov (54 kg) – qarsylasy Viacheslav Rogozin (Resei)
- Orazbek Asylqulov (57 kg) – qarsylasy Hýsravhon Rahimov (Tájikstan)
- Abylaihan Júsipov (71 kg) – qarsylasy Sergei Koldenkov (Resei)
- Sabyrjan Aqqalyqov (75 kg) – qarsylasy Ismail Mýtsolgov (Resei)
Jekpe-jek Qazaqstan ýaqytymen 18:00-de bastalady. Qazaqstandyqtar tikelei efirdi QArena telebaǵdarlamasynan kóre alady.
Finalister sany boiynsha Resei quramasy kósh bastap tur. Olardan 12 boksshysy finalǵa shyqqan. Ózbekstan quramasy ekinshi orynda, al Qazaqstan quramasy úshinshi oryndy ielengen.
Týrnir jeńimpazdary 300 myń dollar, kúmis júldegerler 150 myń dollar, qola medal iegerleri 75 myń dollar syiaqy alady. Shirek finalǵa jetken qatysýshylarǵa 10 myń dollar qarastyrylǵan.
