Oryn alǵan oqiǵa zardaptaryn qalypqa keltirý, qaqtyǵys saldaryn joiý sharalary belsendi júrgizilýde. Qazirgi tańda Qarakemer, Masanshy, Bular batyr, Sortóbe, Qarasý, Aýqatty aýyldarynyń barlyq kiris – shyǵystaryna blok-posttar qoiylyp, kóshelerde qoǵamdyq tártipti saqtaý jumystary júrgizilýde.
Oryn alǵan tótenshe jaǵdai saldarynan 30 turǵyn úi men 17 kommertsiialyq nysan jáne 47 avtokólik órtengen desek, búginde aldyn-ala jasalǵan esepteýlerge sáikes, keltirilgen zalal kólemi anyqtalýda.
Masanshy, Sortóbe, Bular batyr aýyldarynda qaqtyǵystan zardap shekken azamattarmen jumys jasaý maqsatynda, arnaiy toptar qurylyp, mobildi halyqqa qyzmet kórsetý qyzmeti uiymdastyryldy. Keshe 2 azamatqa jeke kýálik, 320 balaǵa shekaradan ótýge anyqtama, 45 neke týraly kýálik, 6 azamatqa jyljymaityn múlikterge qujattar berildi. Bul jumys kúndelikti jalǵasyn tabýda.
Kóshe boiyndaǵy órtengen avtokólikterdi, qoqystardy tazalaý jumystary tolyq aiaqtaldy. Oǵan 30 tehnika men 125 adam jumyldyryldy. Búgingi tańda barlyq áleýmettik nysandar, iaǵni, mektepter men balabaqshalar, saýda oryndary men dárihanalar qalypty jaǵdaida jumys jasaýda.
Aita keteiik, atalǵan aýyldardaǵy zardap shekken turǵyndarǵa Jambyl aýdany, Jalpaqtóbe aýylynan Qazaqstan Assambleiasy músheleriniń uiymdastyrýymen 20 tonna kóleminde gýmanitarlyq kómek jetse, Almaty qalasynyń maslihat qyzmetshileri "Qyzyl ai" qorymen birlese 54 bótelke aýyz sý, 124 kg un, 60 qorap azyq-túlik pen ózge de qajetti zattardy joldaǵan.
Sondai-aq, Jambyl oblysynyń "Vynhýa" etnomádeni birlestiginiń volonteri Parsa Ramazan qaza bolǵan 4 otbasynyń múshelerine 400 myń teńgeden materialdyq kómek kórsetip, azyq-túlikpen qamtamasyz etken.
