Sot otyrysy barysynda aiyptalýshylardyń advokaty Gaýhar Aitjanova qorǵaýyndaǵy Elmira Tólegenovadan kinásin tolyq nemese jartylai moiyndaitynyn aitty. Bloger óz kinásin ishinara, iaǵni tek zańsyz kásipkerlik boiynsha ǵana moiyndaitynyn aitty, dep habarlaidy Dalanews.kz.
Onyń sózinshe, bul másele ákimshilik sotta qaralǵan kezde-aq moiyndaýǵa daiyn bolǵan, alaida sol sátte istiń qylmystyq sipat alatynyna senbegen. Qazir Tólegenova zań buzylǵanyn túsinetinin jáne jaýapkershilik alýǵa daiyn ekenin jetkizdi.
Sonymen qatar ol Qylmystyq kodekstiń 218-baby, iaǵni qylmystyq jolmen alynǵan tabysty zańdastyrý (aqshany jylystatý) boiynsha taǵylǵan aiyppen kelispeitinin aitty. Onyń pikirinshe, bul bap aiypty aýyrlatý úshin qosylǵan bolýy múmkin.
Tólegenovanyń jubaiy Erbolat Janábilov ta zańsyz kásipkerlik boiynsha kinásin moiyndady. Alaida ol da qylmystyq tabysty zańdastyrý aiybyn joqqa shyǵaryp otyr.
