سوت وتىرىسى بارىسىندا ايىپتالۋشىلاردىڭ ادۆوكاتى گاۋحار ايتجانوۆا قورعاۋىنداعى ەلميرا تولەگەنوۆادان كىناسىن تولىق نەمەسە جارتىلاي مويىندايتىنىن ايتتى. بلوگەر ءوز كىناسىن ءىشىنارا، ياعني تەك زاڭسىز كاسىپكەرلىك بويىنشا عانا مويىندايتىنىن ايتتى، دەپ حابارلايدى Dalanews.kz.
ونىڭ سوزىنشە، بۇل ماسەلە اكىمشىلىك سوتتا قارالعان كەزدە-اق مويىنداۋعا دايىن بولعان، الايدا سول ساتتە ءىستىڭ قىلمىستىق سيپات الاتىنىنا سەنبەگەن. ءقازىر تولەگەنوۆا زاڭ بۇزىلعانىن تۇسىنەتىنىن جانە جاۋاپكەرشىلىك الۋعا دايىن ەكەنىن جەتكىزدى.
سونىمەن قاتار ول قىلمىستىق كودەكستىڭ 218-بابى، ياعني قىلمىستىق جولمەن الىنعان تابىستى زاڭداستىرۋ (اقشانى جىلىستاتۋ) بويىنشا تاعىلعان ايىپپەن كەلىسپەيتىنىن ايتتى. ونىڭ پىكىرىنشە، بۇل باپ ايىپتى اۋىرلاتۋ ءۇشىن قوسىلعان بولۋى مۇمكىن.
تولەگەنوۆانىڭ جۇبايى ەربولات ءجانابىلوۆ تا زاڭسىز كاسىپكەرلىك بويىنشا كىناسىن مويىندادى. الايدا ول دا قىلمىستىق تابىستى زاڭداستىرۋ ايىبىن جوققا شىعارىپ وتىر.
