BJZQ men OQO ákimdigi arasynda memorandýmǵa qol qoiyldy
Basqosýda qos tarap ózara yntymaqtastyq jáne áleýmettik mindetterdi júzege asyrýǵa baǵyttalǵan eki jaqty árekettestik múmkindikter jaiyn áńgimeledi. Munymen qosa, basqosýda turǵyndardyń qarjylyq saýattylyǵyn arttyrý jáne olardy jinaqtaýshy zeinetaqy júiesine tartý men zeinetaqy júiesin jańǵyrtý máseleleri boiynsha aqparat berý taqyryptary kóterildi.
Kezdesýdiń nátijesi boiynsha «Biryńǵai jinaqtaýshy zeinetaqy qory» aktsionerlik qoǵamy men Ońtústik Qazaqstan oblysy ákimdigi arasynda yntymaqtastyq jáne ózara árekettistik týraly Memorandýmǵa qol qoidy.
Memorandým aiasynda halyqtyń jinaqtaýshy zeinetaqy júiesine degen qarjylyq saýattylyǵyn arttyrý, qarjy kólemin ulǵaitý jáne túsetin mindetti zeinetaqy jarnalarynyń turaqtylyǵyn baqylaý, sondai-aq, zeinetaqy júiesin jańǵyrtý boiynsha aqparattandyrý jumystary júrgizilmek.
Óz kezeginde oblys ákimdigi BJZQ-nyń memlekettik jáne basqa da uiymdarda turǵyndarǵa aqparat berýge arnalǵan sharalaryn ótkizýge kómek kórsetedi jáne qajet bolǵan jaǵdaida olarǵa qatysatyn bolady.
Aita keteiik, búginde oblys boiynsha ortasha zeinetaqy jinaqtarynyń kólemi 486 myń teńgeni qurady. 2016 jyly oblys turǵyndarynyń jasaǵan ortasha naqty mindetti zeinetaqy jarnalarynyń (MZJ) somasy 6 478 teńge boldy. Qazirgi tańda búkil respýblika boiynsha BJZQ-nyń 231 derbes qyzmet kórsetý ortalyqtary jumys istese, Ońtústikte 20 bólimshe halyqqa qyzmet kórsetýde. Olarda ótken jyly 455,7 myńnan astam qyzmet kórsetildi.
OQO ákiminiń baspasóz qyzmeti
