Túrkıa prezıdenti Redjep Taıyp Erdoǵan Fınlandıa men Shvesıany NATO-ǵa múshe bolyn qoldamaıtynyn, buǵan Túrkıa «ıá» dep daýys bere almaıtynyn aıtty, – dep habarlaıdy Dalanews.kz.

– Bizder Fınlandıa men Shvesıanyń NATO-ǵa múshe bolýyn qoldap daýys bere almaımyz. Óıtkeni qos memleket jyldar boıy kúrdterdiń terorıstik uıymyn qoldap kelgenin bilemiz. Sondyqtan bizder lańkestik uıymdardy qoldaýshylardyń NATO-ǵa múshe bolýyna qarsymyz. Sondyqtan Fnılandıa men Shvesıa bizge renjimesin, – dep Erdoǵan qysqa qaıyrdy.

Reseıdiń Ýkraınaǵa qarsy jasaǵan agresıasynan keıin Fnılandıa men Shvesıa NATO-ǵa múshe bolýǵa talpyna bastaǵan bolatyn. Biraq eki el osyǵan deıin Túrkıada terorıstik uıym retinde tanylyp kelgen kúrdterdiń uıymyn qoldap kelgen-di.

Fnılandıa men Shvesıanyń osy áreketi ózderine taıaq bolyp tıetinin eskermegeni anyq. Eki eldiń NATO-ǵa múshe bolýyna Túrkıa qarsy daýys berse, olar uıymǵa múshe bola almaıdy.

Qonaev paraqshasyna jazylyńyz

Esterińizge sala ketemiz, Túrkıa áskerı áleýeti jaǵynan NATO-ǵa múshe AQSH-tan keıingi ekinshi el. Sondyqtan NATO-da Túrkıanyń ózindik oryny bar.